Fiskeldissjóður, umsóknir 2025

Eftirfarandi tillaga lögð fram:
Umhverfis- og framkvæmdaráð samþykkir að óska eftir upplýsingum frá heimastjórn Djúpavogs um möguleg verkefni, og forgangsröðun þeirra til 3 ára, sem eru styrkhæf í Fiskeldissjóð.

Málið verður tekið fyrir að nýju þegar ofangreint liggur fyrir.

Samþykkt samhljóða.

Eftirtalin verkefni telur heimastjórn Djúpavogs mikilvægt að sækja um styrki í (í stafrófsröð):

Fráveita, framhald á fyrri framkvæmdum, fækka útrásum og bæta hreinsun.
Gatnaframkvæmdir vegna nýrra lóða og hverfa.
Grunnskóli viðbygging.
Hafnarsvæði bætt aðstaða við Djúpavoginn, flotbryggjur/trébryggjur.
Kostnaður við aðalskipulags og deiliskipulagsvinnu.
Leikskóli viðbygging.
Malbik og bætt aðstaða og aðkoma að hafnarsvæði.
Matarsmiðja og nýsöpunarsetur, fullvinnsla afurða úr héraði.
Uppbygging á íþrótta- og leiksvæði í Blánni.
Viðbygging / líkamsrækt við íþróttamiðstöð Djúpavogs.
Yfirbygging yfir sparkvöll við íþróttamiðstöð.
Þjónustumiðstöð / hafnarhús.

Að mati heimastjórnar ætti að sækja um að lágmarki 4-5 verkefni á hverju ári. Nauðsynlegt er að fara að vinna í þeim umsóknum sem fyrst til að tryggja að umsóknir séu vandaðar og skilvirkar.

Samþykkt samhljóða.

Heimastjórn álítur að sækja eigi um í eftirtalin verkefni í Fiskeldissjóð á árinu 2025

1. Leikskóli viðbygging.
2. Endurbætur á Íþróttamiðstöð í samráði við forstöðumann.
3. Uppbygging hafnarmannvirkja vegna umfangs fiskeldis, viðlegukantur.
4. Öryggi gangandi vegfarenda, gangstéttar og göngustígar.
5. Nýbygging þjónustumiðstöðvar.

Heimastjórn telur mikilvægt að vinna við umsóknir í Fiskeldissjóð fari fram samhliða vinnu við fjárhagsáætlun í framtíðinni, til að tryggja að mótframlag sé til staðar í verkefnin, sé það nauðsynlegt.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð samþykkir að fela framkvæmda- og umhverfismálastjóra að vinna umsókn vegna tveggja verkefna í fiskeldissjóð. Um er að ræða stækkun við leikskólann Bjarkatún og hins vegar kaup á húsnæði fyrir þjónustumiðstöð Djúpavogs.

Samþykkt samhljóða.

Heimastjórn vísar á tölfræði inni á vef Fiskeldissjóðs máli sínu til stuðnings. Sú tölfræði bendir eindregið til þess að þarna séu tækifæri til að fá fjármuni í fjölmörg fleiri verkefni.

Heimastjórn bendir á bókun sína frá fundi 55 sem haldinn var þann 5. desember 2024, en þar voru talin upp 12 verkefni misstór en öll mikilvæg. Einnig bókun frá fundi 57 sem haldinn var 7. febrúar 2025 þar sem heimstjórn forgangsraðaði 5 verkefnum að beiðni Umhverfis- og framkvæmdaráðs.

Heimastjórn beinir því Byggðarráðs að sjá til þess að sótt sé um í 5 verkefni hið minnsta á hverju umsóknartímabili.

Samþykkt samhljóða.

Eftirfarandi tillaga lögð fram:
Byggðaráð þakkar ábendinguna frá heimastjórn Djúpavogs og samþykkir að beina því til sveitarstjóra að rýna ferlið varðandi umsóknir í Fiskeldissjóð.

Samþykkt samhljóða með handauppréttingu.

Eftirfarandi tillaga lögð fram:
Umhverfis- og framkvæmdaráð felur framkvæmda- og umhverfismálastjóra að vinna áfram að viðbyggingu við leikskólann Bjarkartún. Áfanganum verði skipt í verkþætti og samið við Fiskeldissjóð um í hvaða verkþætti styrkurinn 2025 rennur. Þar sem ekki fékkst styrkur fyrir öllum verkþáttum að þessu sinni verður sótt um í sjóðinn að nýju árið 2026.

Umhverfis- og framkvæmdaráð harmar að ekki hafi fengist úthlutað úr sjóðnum til byggingar þjónustmiðstöðvar og hafnarhúss á Djúpavogi og vill beina þeim tilmælum til stjórnvalda að endurskoða umgjörð þess hvernig sveitarfélög fá tekjur af fiskeldi.

Málinu vísað til kynningar hjá heimastjórn Djúpavogs.

Samþykkt samhljóða.

Heimastjórn tekur undir bókun Umhverfis- og framkvæmdaráðs frá 02.06.2025 þar sem það harmar að ekki hafi fengist úthlutað úr sjóðnum til byggingar þjónustumiðstöðvar og hafnarhúss á Djúpavogi og vill beina þeim tilmælum til stjórnvalda að endurskoða umgjörð þess hvernig sveitarfélög fá tekjur af fiskeldi.

Einnig telur heimstjórn að endurskoða þurfi innan sveitarfélagsins með hvaða hætti sé sótt um í Fiskeldissjóð og á hvaða forsendum, til að tryggja jákvæðari útkomu við úthlutanir.

Ánægjulegt er þó að fengist hafi styrkur að upphæð 44.840.000.- til þess að hefja undirbúning að stækkun Leikskólans Bjarkatúns.


Samþykkt samhljóða.

Lagt fram til kynningar.