Heimastjórn Borgarfjarðar

Lagt fram til kynningar.

Fram kom í máli Lofts að reglum um vetrarþjónustu hefur ekki verið breytt um margra ára skeið vegna takmarkaðra fjárheimilda Vegagerðarinnar. Þá kom fram að vegspotti sem eftir er að byggja upp af Hafnarvegi er ekki á áætlun Vegagerðarinnar og vill heimastjórn að bætt verði úr því hið fyrsta. Heimastjórn fór yfir sínar vangaveltur varðandi hraðatakmarkanir í og við þorpið og þörf fyrir girðingu ofan vegar norðan megin í firðinum frá þorpsgirðingu og út á Landsenda.

Eftirfarandi bókun lögð fram:
Heimastjórn Borgarfjarðar óskar þess að vetrarþjónusta á Borgarfjarðarvegi nr. 94 verði aukin í fulla þjónustu sjö daga vikunnar. Til þess að svo megi verða þarf að koma til aukinna fjárheimilda. Samkvæmt greiningu heimastjórnar á fyrirliggjandi gögnum á heimasíðu Vegagerðarinnar er Borgarfjörður eini þéttbýlisstaðurinn með yfir 100 íbúa sem ekki nýtur daglegrar vetrarþjónustu þar sem er yfir fjallveg að fara. Í ljósi þess að umræddur vegur er eina leiðin til og frá Borgarfirði að næsta þéttbýli eykur það mikilvægi þess að honum sé haldið færum daglega yfir vetrarmánuðina. Bent er á að mikil aukning hefur verið í atvinnusókn frá Borgarfirði til Héraðs og öfugt undanfarin ár og hafa atvinnurekendur í ferðaþjónustu á Borgarfirði lagt mikið á sig við að halda úti heilsársferðaþjónustu sem kallar á öruggar samgöngur. Þá er grunnskólabörnum á Borgarfirði ekið til kennslu í Fellabæ tvo daga í viku og því þarf að huga að opnun vegar fyrr á daginn en nú er.

Starfsmanni heimastjórnar falið að senda erindi til innviðaráðherra og samgöngunefndar í samræmi við umræður á fundinum.
Samþykkt samhljóða án atkvæðagreiðslu.

Heimastjórn þakkar fyrir erindi Sveins Huga og tekur heils hugar undir það. Erindinu hefur þegar verið komið á framfæri við svæðisstjóra Vegagerðarinnar og vísar erindinu áfram til umhverfis- og framkvæmdaráðs.

Samþykkt samhljóða án handauppréttingar.

Hugrún Hjálmarsdóttir kom inn á fundinn og fjallaði um áætlunina.

Heimastjórn Borgarfjarðar gerir ekki athugasemdir við drögin en bendir þó á að í stefnu Múlaþings um þjónustustig í byggðum þess kemur fram að á árunum 2026-2028 er stefnt á að leggja til stofnframlög til húsbygginga á Borgarfirði. Hvetur heimastjórn sveitarfélagið til að setja þá framkvæmd á fjárfestingaáætlun ef þurfa þykir.

Samþykkt samhljóða án handauppréttingar.

Heimastjórn telur mikilvægt að bætt verði inn í þjónustustefnu þeim atriðum sem talin eru upp hér að neðan:

Slökkvilið:
Að húsnæðismálum slökkviliðsins og björgunarsveitarinnar verði komið í viðunandi horf.

Vatnsveitur:
Vatnsgæði á Borgarfirði verði tryggð með viðeigandi ráðstöfunum á öllum þremur vatnsbólum Borgarfjarðar.
Sveitarfélagið myndi sér stefnu um hvar og hvenær eigi að bora eftir heitu/og eða köldu neysluvatni.

Gagnaveita:
Lokið verði ljósleiðaravæðingu þéttbýlisins á Borgarfirði.

Lagt fram til kynningar.

Eftirfarandi tillaga lögð fram:
Heimastjórn Borgarfjarðar þakkar fyrir innsendar tilnefningar. Heimastjórn hefur valið úr og tilnefnt í þá þrjá flokka sem hljóta viðurkenningar og felur starfsmanni að koma þeim á framfæri við verkefnastjóra umhverfismála. Umhverfis-og framkvæmdaráð mun svo velja úr tilnefningum heimastjórna í flokkunum íbúðalóð, fyrirtækjalóð og lögbýli.

Samþykkt samhljóða án handauppréttingar.