Heimastjórn Borgarfjarðar

Eyþór og Ólafur gerðu grein fyrir mögulegu vanhæfi sínu við afgreiðslu þessa dagskrárliðar. Málið var tekið til umræðu og borið til atkvæða. Tillögurnar voru felldar með tveimur atkvæðum (einn sat hjá).

Fulltrúar Já sæll ehf. komu á árlegan fund með heimastjórn sem er hússtjórn Fjarðarborgar. Farið var yfir framkvæmdir í Fjarðarborg og rekstur síðastliðins sumars, m.a. út frá núverandi leigusamningi.

Í bréfi frá Jóni Jónssyni lögmanni, dagsett 17.9.2025, kemur fram að Óbyggðanefnd hafi nú sent bréf lögmanns ríkisins, dags. 12. september 2025, um endurskoðun á kröfugerð ríkisins vegna þjóðlendumála á svæði 12, til lögmanna landeigenda.

Íslenska ríkið hefur í endurskoðun kröfugerðar ákveðið að falla frá þjóðlendukröfu í eyjar og sker fyrir landi jarða, þar sem kröfulýsingar landeigenda komu fram.

Fyrir liggur beiðni frá Árna Magnúsi Magnusson og Ferðamálahópi Borgarfjarðar, dagsett 03.10.2025, um tillögu að tilfærslu á gönguleið nr. 37 frá Neshálsi að Loðmundarfjarðarvegi á Víknaslóðum. Sveitarfélagi er ekki landeigandi á svæðinu en Ríkiseignir, sem landeigandi á jörðum sem gönguleiðin liggur um, hafa óskað eftir umsögn heimastjórnar um málið.

Fyrir liggja um tillögur um þjónustu, aðstöðu og skipulag almenningsbókasafna í Múlaþingi. Málið var á dagskrá byggðaráðs 16. september síðastliðinn. Á fundinn mætti Elsa Guðný Björgvinsdóttir, deildarstjóri menningarmála og kynnti tillögurnar.

Fyrir liggur að taka ákvörðun um hvaða fyrirkomulag skuli við hafa við rekstur tjaldsvæðanna í Múlaþingi. Í Múlaþingi eru þrjú tjaldsvæði í eigu sveitarfélagsins: Á Borgarfirði, Seyðisfirði og Egilsstöðum.

Á fundi byggðaráðs 7.10.2025 var eftirfarandi bókað:
Byggðaráð óskar eftir umsögnum frá heimastjórnum frá Borgarfirði, Seyðisfirði og Fljótsdalshéraði varðandi fyrirliggjandi tillögur um fyrirkomulag rekstrar tjaldsvæðanna. Byggðaráð mun að því loknu taka málið fyrir aftur.

Næsti fundur heimastjórnar Borgarfjarðar er fyrirhugaður fimmtudaginn 6. nóvember 2025. Erindi fyrir fundinn þurfa að berast fyrir kl. 12:00 föstudaginn 31. október. Erindi skal senda á netfangið alda.kristinsdottir@mulathing.is eða bréfleiðis til skrifstofu.