Heimastjórn Fljótsdalshéraðs

Á fundinn undir þessum lið mætir Loftur Jónsson, umdæmisstjóri Vegagerðarinnar á Austursvæði og Ársæll Heiðberg yfirverkstjóri Vegagerðarinnar í Fellabæ. Málið var síðast á dagskrá heimastjórnar 4.9.2025.

Fyrir liggja drög að fjárfestingaráætlun Múlaþings fyrir árið 2026.

Fyrir liggja um tillögur um þjónustu, aðstöðu og skipulag almenningsbókasafna í Múlaþingi. Málið var á dagskrá byggðaráðs 16. september síðastliðinn. Á fundinn undir þessum lið mætir Elsa Guðný Björgvinsdóttir, deildarstjóri menningarmála og kynnir tillögurnar.

Fyrir liggur að taka ákvörðun um hvaða fyrirkomulag skuli við hafa við rekstur tjaldsvæðanna í Múlaþingi. Í Múlaþingi eru þrjú tjaldsvæði í eigu sveitarfélagsins: Á Borgarfirði, Seyðisfirði og Egilsstöðum.

Á fundi byggðaráðs 7.10.2025 var eftirfarandi bókað:
Byggðaráð óskar eftir umsögnum á heimastjórnum frá Borgarfirði, Seyðisfirði og Fljótsdalshéraði varðandi fyrirliggjandi tillögur um fyrirkomulag rekstrar tjaldsvæðanna. Byggðaráð mun að því loknu taka málið fyrir aftur.

Fyrir liggur tillaga, dags. 12.09.2025, að breytingu á deiliskipulagi ferðaþjónustu í landi Grundar á Jökuldal. Tillagan er unnin af LOGG ehf. fyrir hönd Hótel Stuðlagil hef. Deiliskipulagsbreytingin felur í sér stækkun viðskipta- og þjónustulóðar um 2,7 ha. og fjölgun byggingarreita á lóðinni.

Á fundi umhverfis- og framkvæmdaráðs 22.9. 2025 var eftirfarandi bókað:
Umhverfis- og framkvæmdaráð samþykkir að fyrirliggjandi vinnslutillaga verði kynnt í samræmi við 41. gr. skipulagslaga nr. 123/2010 og vísar málinu til afgreiðslu hjá heimastjórn Fljótsdalshéraðs.

Skipulagstillaga fyrir breytingu á deiliskipulagi Egilsstaðaflugvallar vegna nýrra aðflugsljósa var auglýst 9. júlí - 18. ágúst 2025. Fyrir liggja umsagnir sem bárust á auglýsingatíma tillögunnar auk viðbragða við þeim. Skipulagstillagan hefur verið uppfærð með umsagnir til hliðsjónar, en henni hefur ekki verið breytt í grundvallaratriðum.

Á fundi umhverfis- og framkvæmdaráðs 6.10.2025 var eftirfarandi bókað:
Umhverfis- og framkvæmdarráð samþykkir fyrirliggjandi tillögu og vísar henni til heimastjórnar Fljótsdalshéraðs til staðfestingar í samræmi við 3. mgr. 41. gr. skipulagslaga.

Fyrir liggur tillaga til auglýsingar, dags. 22. september 2025, fyrir breytingu á deiliskipulagi Egilsstaðaflugvallar vegna nýrra akbrautar.

Á fundi umhverfis- og framkvæmdaráðs 6.10.2025 var eftirfarandi bókað:
Umhverfis- og framkvæmdaráð samþykkir fyrirliggjandi skipulagstillögu og leggur til við heimastjórn Fljótsdalshéraðs að hún verði auglýst í samræmi við 41. gr. skipulagslaga.