Heimastjórn Djúpavogs

Farið yfir umferðarsamþykkt fyrir Djúpavog.

Starfmanni heimastjórnar falið að vinna áfram með umferðarsamþykkt og leggja fyrir næsta fund heimastjórnar.

Verkferlar Skipulags og byggingarmála lagðir fram til kynningar.
Heimastjórn samþykkir fyrir sitt leiti verkferlana, og leggur á það áherslu að vinna við skipulagsmál sé fagleg og skilvirk.

Heimastjórn samþykkir að fá forsvarsmenn Artic Hydro á fund til að kynna hugmyndir um hugsanlegar virkjanir í gamla Djúpavogshreppi og kynna hvar þessr hugmyndir eru staddar innan rammáætlunar.

Fyrir liggur að auglýsa þarf að nýju breytingu á deiliskipulagi neðsta hluta Borgarlands á Djúpavogi í samræmi við ábendingu Skipulagsstofnunar þar sem ekki náðist að birta auglýsingu um staðfestingu í B-deild Stjórnartíðinda innan árs frá því að auglýsingatíma tillögunnar lauk 4. maí 2020. Er það í samræmi við 2. mgr. 42. gr skipulagslaga og gr. 5.7.3. í skipulagsreglugerð.

Heimastjórn samþykkir að auglýsa tillöguna að nýju en lýsir jafnframt yfir vonbrigðum með seinagang í framkvæmd auglýsingar og brýnir fyrir Umhverfis og framkvæmdasviði Múlaþings að tryggja að slík mistök eigi sér ekki stað aftur.

Lagt fram til kynningar, erindi frá Fiskeldi austfjarða um legu skemmtiferðaskipa á Djúpavogi. Lega skipanna truflar á köflum fjarskipti milli lands og fóðurpramma fyrirtækisins.

Starfsmanni falið að koma erindinu á framfæri við útgerðir skipanna og hafnarvörð og tryggja að lega skipanna trufli ekki fjarskipti.

Heimastjórn leggur til að farið verði í deiliskipulagsvinnu á þeim svæðum innan þéttbýlis á Djúpavogi sem nú þegar eru merkt sem íbúðasvæði og gert verði ráð fyrir þeirri vinnu á fjárhagsáætlun næsta árs. Sérstaklega þarf að skoða framboð á hentugum lóðum fyrir parhús og raðhús.

Heimastjórn fagnar því að vinna sé að hefjast við Aðalskipulagsbreytingu á Gleðivíkursvæðinu, enda ljóst að mikil uppbygging er framundan á því svæði.
Heimastjórn beinir því til Umhverfis og framkvæmdarsviðs að deiliskipulagsvinna hefjist strax á sama svæði þannig að skipulagsvinna tefji ekki uppbyggingu. Gera þarf ráð fyrir þeirri vinnu í fjárhagsáætlun 2021.

Víða þarf að bæta aðbúnað gangandi vegfarenda í þéttbýlinu á Djúpavogi.

Meðfram ströndinni milli Gleðivíkur og Djúpavogs er engin gangstétt eða göngustígur og þar er mikil
umferð gangandi vegfarenda.
Skoða þarf úrbætur á þessu sem allra fyrst til að tryggja öryggi og koma í veg fyrir óhöpp.
Einnig þarf að skoða tengingar milli hverfa, bæði lagfæringar á núverandi stígum og lagningu nýrra stíga sem og stígum um Búlandsnesið utan þéttbýlis.
Gera þarf ráð fyrir fjármunum á fjárhagsáætlun næsta árs fyrir því allra brýnasta og gera áætlun á
uppbyggingu þessara mannvirkja inn í framtíðina.

Heimastjórn samþykkir fyrirliggjandi gagnaboð.

Heimastjórn samþykkir fyrirliggjandi tillögu að deiliskipulagi fyrir Steinaborg í samræmi við 41. gr. skipulagslaga nr. 123/2010.

Heimastjórn samþykkir að unnin verði tillaga að óverulegri breytingu á deiliskipulagi svæðisins þar sem byggingarreitur á Borgarlandi 30 verði stækkaður til að rúma áform umsækjanda. Tillagan verði grenndarkynnt skv. 2. mgr. 43. gr. skipulagslaga nr. 123/2010.
Grenndarkynning verði send til eigenda húsa númer 9, 11, 13, 28, 32A og 32B við Borgarland.