Heimastjórn Djúpavogs

Heimastjórn felur fulltrúa að auglýsa eftir hugmyndum að samfélagsverkefnum.

Samþykkt samhljóða

Heimastjórn þakkar fyrir greinagóða og ítarlega skýrslu um umferðaröryggi í Múlaþingi.

Heimstjórn skorar á UFR að fara sem fyrst í þær aðgerðir sem merktar eru í fyrsta forgangi í skýrslunni.

Einnig vill heimstjórn bæta við að ekki hafi verið horft nóg til þess með hvaða hætti mætti minka umferð stórra ökutækja um miðbæ Djúpavogs, en á álagstímum fara þar um á annan tug flutningabíla á dag, koma þarf þessari umferð út fyrir íbúðagötur og miðbæ, t.d. með því að nota "bakdyr" bæjarins og beina umferð flutningabíla um Víkurland. Þetta ætti að vera í forgangi 1

Til að bæta aðstöðu fyrir gangandi vegfarendur og skólabörn, þyrfti að koma göngustígur frá Búlandi að Bjargstúni á bakvið Vogaland 2 (Hafið Bistro) í stað þess að beina allri umferð gangandi í gegnum illa merkta gönguleið um bílastæði við Vogaland 2. Þetta atriði ætti einnig að vera í forgangi 1

Einnig telur heimastjórn að inni í þessa vinnu vanti áherslur sem lagðar voru í Djúpavogshreppi á sínum tíma, að fjölga göngustígum í og við þéttbýlið á Djúpavogi til að beina gönguumferð af götum bæjarinns. Besta leiðin til að minnka umferð gangandi á götum er að bjóða upp á áhugaverða göngustíga sem víðast.

Þessu til viðbótar vantar inn í áherslur skýrslunar athugasemdir um ástand gangstétta í þéttbýlinu, en þær eru margar illa farnar og mjög mjóar, sem veldur því að á sumrin þegar fjöldi ferðamanna er hvað mestur, flæðir mikill fjöldi gesta af gangstéttum og inn á götur bæjarins.

Skoða þarf og yfir fara betur þær hraðatakmarkandi aðgerðir sem eru innanbæjar svo sem staðsetningu og gerð hraðahindrana t.d. í Hammersminni við afleggjara að leikskóla, fleiri hraðahindranir á Búlandi t.d. við Steina. Einnig þarf að skoða staðsetningar og fjölda gangbrauta.

Utan þéttbýlis er ætti Axarvegur að vera í forgangi 1, enda sýnir tölfræðin að sá vegur er einn sá varasamasti á landinu sem og mikilvæg leið fyrir íbúa Djúpavogs til og frá byggðarlaginu. Bara tvisvar það sem af er þessu ári hefur það sýnt sig að hafa þann veg hefði rofið einangrun staðarins þegar veður hafa valdið því að byggðarlagið er ótengt við önnur um vegi á svæðinu.

Samþykkt samhljóða.

Hugrún Hjálmarsdóttir situr fundin undir þessum lið.

Farið yfir hvaða möguleikar séu til að tryggja aðgengi íbúa og gesta að fjörunni við Langhólma.

Heimastjórn álítur að sækja eigi um í eftirtalin verkefni í Fiskeldissjóð á árinu 2025

1. Leikskóli viðbygging.
2. Endurbætur á Íþróttamiðstöð í samráði við forstöðumann.
3. Uppbygging hafnarmannvirkja vegna umfangs fiskeldis, viðlegukantur.
4. Öryggi gangandi vegfarenda, gangstéttar og göngustígar.
5. Nýbygging þjónustumiðstöðvar.

Heimastjórn telur mikilvægt að vinna við umsóknir í Fiskeldissjóð fari fram samhliða vinnu við fjárhagsáætlun í framtíðinni, til að tryggja að mótframlag sé til staðar í verkefnin, sé það nauðsynlegt.

Samþykkt samhljóða.

Heimastjórn leggur höfuðáherslu á að Axarvegur verði byggður upp sem heilsársvegur til að tryggja greiðar samgöngur milli Djúpavogs og Fljótsdalshéraðs allt árið um kring sem og stytta akstursleiðir á milli Austurlands og höfuðborgarsvæðisins (stytting um 70 km.).

Mikilvægt er að framkvæmdir hefjist strax á þessu ári og að verkefninu verði áfangaskipt þannig að hægt verði að ljúka því á þremur árum.

Þjónustustig vegna vetrarþjónustu verði fært af þjónustuflokki 4 á þjónustuflokk 2 nú þegar og þar með verði greiðari samgöngur á milli byggðakjarna innan sveitarfélagsins tryggðar auk aðgengis að heilbrigðisþjónustu, brunavörnum og flugsamgöngum.

Heimastjórn bendir á að frá áramótum hafa komið upp 2 tilvik þar sem heilsársvegur og alvöru vetrarþjónusta hefðu tryggt samgöngur til og frá Djúpavogi á meðan allar aðrar leiðir hafi verið lokaðar t.d. vegna snjóflóðahættu á Fagradal.

Jafnframt vill heimastjórn benda á að núna þegar þessi fundur er færður til bókar, að þjóðvegurinn í Lóni sé lokaður og þjóðvegurinn í Berufirði sé ekki fær nema fjórhjóladrifsbílum, hefði Axarvegur haft vetrarþjónutu væri staðan mun betri.

Vegurinn um Berufjörð lokaðist í gær (02.06.2025) í um það bil 9 klst en á sama tíma hefði ekki tekið nema umþb 2klst að opna Öxi.

Einnig myndi heilsársvegur í þessu ástandi tryggja að flutningar til og frá Djúpavogi væru í lagi, en eins og staðan er í dag sé engin leið að koma vörum til Djúpavogs eða að flytja framleiðslu frá Djúpavogi og er það með öllu óásættanlegt.

Samþykkt samhljóða.

Heimastjórn líst vel á tillögur um hraða innanbæjar á Djúpavogi, um 40km hraða á stofngötum og 30 á íbúðagötum, en leggur til að Markaland, Bakki og Mörk verði einnig með 30 í hámarki. Einnig þarf að skoða hraðatakmarkandi aðgerðir á Búlandi ásamt því að setja hraða við Grunnskólann niður í 20.

Samþykkt samhljóða.

Fyrir fundinum lá umsókn frá Adventura ehf. um stöðuleyfi fyrir matarvagn á planinu við Bakka 2 til umsagnar heimastjórnar.

Heimastjórnin á Djúpavogi gerir ekki athugasemdir við að Adventura ehf. verði veitt stöðuleyfi fyrir matarvagn á planinu við Bakka 2.

Samþykkt samhljóða.

Heimastjórn gerir ekki athugasemdir við framkomnar reglur um matar- og söluvagna í Múlaþingi. Mikilvægt sé þó að skipulag taki á fjölda matar- og söluvagna í þéttbýlinu.

Samþykkt samhljóða.

Heimastjórn tekur undir það sjónarmið að hafa "Cittaslow gleraugun" uppi við mat á málefnum tengdum Djúpavogi og hvetur stjórnsýsluna í Múlaþingi að gera það einnig.

Samþykkt samhljóða.

Heimastjórn ítrekar fyrri bókanir um bætta vetrarþjónustu á Öxi og fer fram á við hlutaðeigandi aðila að farið verði í það nú þegar að opna.
Heimastjórn beinir því til sveitastjórnar að beita sér fyrir því að vegurinn fái vetrarþjónustu þegar snjólétt er.
Óvenjulítill snjór er á svæðinu og því ekkert því til fyrirstöðu að opna veginn.

Samþykkt samhljóða.

Vatnsveita: Illa hefur gengið að koma nýjum borholum í fulla vinnslu, villur í rennslismælingum úr Búlandsá og í notkun í byggðarlaginu voru m.a. orsökin fyrir því. Búið er að setja niður eina öflugri dælu og til stendur að uppfæra dælubúnaðinn allan til að hann anni notkun. Á laugardainn var kom upp vandræði vegna gruggs í veitukerfinu vegna alsahláku. Brugðist var við með því að hækka geislun á vatninu til að minnka líkur á gerlamengun í vatninu og reyna að keyra meira frá borholum og minnka notkun úr Búlandsdal.

Langabúð: Breytingar innanhús til að bæta starfsmannaaðstöðu og vinnuaðstöðu vegna veitingasölu eru langt komnar.

Hitaveita: Boranir eru hafnar á nýjum holum til að reyna að staðsetja heita vatnið betur. Ekki ljóst á þessum tíma hvenær niðurstöður gætu legið fyrir.

Gamla kirkjan: Vinna við að einangra og ganga frá húsinu að innan er komin vel á veg, Hollvinasamtök gömlu kirkjunar hafa leitt þá vinnu í samstarfi við sveitarfélagið.

Samgöngumál: Allir vegir til og frá Djúpavogi voru ýmist lokaðir eða ófærir í gær (06.02.25) og enn er ekki orðið fært milla Hafnar og Djúpavogs og einungis fært fjórhjóladrifsbílum milli Breiðdalsvíkur og Djúpavogs. Ljóst er að það mun taka einhvern tíma að laga þjóðveg 1 þannig að hann verði fær öllum bílum.

Lítil snjór er á Axarvegi og því hefði verið fljótlegra (2-3 klst) að opna hann frekar en að bíða í 9 klst eftir viðgerð í Berufirði.