Steinar 1 . framkvæmdir . Gamla kirkjan . Djúpavogi

Uppbygging og notkun gömlu kirkjunar rædd.

Í óformlegri könnun meðal íbúa komu m.a. fram hugmyndir um menningartengda starfsemi í húsinu.

Heimastjórn leggur á það áherslu að framkvæmdum verði lokið sem fyrst utandyra.

Heimastjórn leggur til við byggðarráð að stofnaður verði sameiginlegur starfshópur, fyrir gömlu kirkjuna og Faktorshúsið til að fara yfir uppbyggingu og mögulega framtíðarnotkun húsanna.

Fyrir fundinum lá erindi frá Þórdísi Sævarsdóttur varðandi lífsgæða- og velferðarsetur í gömlu kirkjunni á Djúpavogi.

Heimastjórn Djúpavogs þakkar Þórdísi fyrir frumkvæðið og þann áhuga sem hún sýnir uppbyggingu og starfsemi í gömlu kirkjunni. Erindi Þórdísar ásamt fleiri hugmyndum verður tekið til frekari skoðunar í þeirri vinnu sem framundan er varðandi skilgreiningu á framtíðarnotkun kirkjunnar.

Samþykkt samhljóða.

Fyrir fundinum lá minnisblað frá Rúnari Matthíassyni umsjónarmanni fasteigna.

Heimastjórn á Djúpavogi leggur áherslu á að gert sé ráð fyrir fjármagni til framkvæmda við gömlu kirkjuna í fjárhagsáætlun sveitarfélagsins vegna ársins 2023.

Samþykkt samhljóða.

Fyrir umhverfis- og framkvæmdaráði liggur minnisblað frá verkefnastjóra framkvæmdamála varðandi framtíðarhlutverk gömlu kirkjunnar á Djúpavogi.

Eftirfarandi tillaga lögð fram:
Umhverfis- og framkvæmdaráð felur heimastjórn Djúpavogs að taka ákvörðun um framtíðarnýtingu gömlu kirkjunnar svo hægt sé að ljúka framkvæmdum við húsið í samræmi við notkun þess.

Samþykkt samhljóða.

Á fundi sínum þann 26.02.2024 fól Umhverfis- og framkvæmdaráð heimastjórn Djúpavogs að taka ákvörðun um framtíðarnýtingu gömlu kirkjunnar svo hægt sé að ljúka framkvæmdum við húsið í samræmi við notkun þess.

Heimastjórn fór yfir þau erindi sem hafa borist og þær tillögur sem hafa verið til umræðu um nýtingu kirkjunnar undanfarin misseri og mun vinna áfram með þær tillögur og ákveða með hvaða hætti eigi að komast að niðurstöðu.

Heimastjórn bendir á að mikilvægt sé að klára framkvæmdir að utan þó svo að ekki sé búið að ákveða húsinu hlutverk.

Rúnar Matthíasson, verkefnastjóri framkvæmda, fer yfir stöðu mála í Steinum 1 (Gömlu kirkjunni).

Umhverfis- og framkvæmdaráð fól heimastjórn Djúpavogs að taka ákvörðun um framtíðarnýtingu hússins.

Heimastjórn felur starfsmanni að útbúa auglýsingu í samræmi við umræður á fundinum þar sem auglýst er eftir áhugasömum aðilum um nýtingu og/eða rekstur í húsnæðinu.

Samþykkt samhljóða.

Heimastjórn hefur ítrekað auglýst eftir samstarfsaðilum um nýtingu gömlu kirkjunnar án árangurs.
Heimastjórn leggur því til að skoðað verði að selja húsið því það getur ekki staðið lengur autt. Nauðsynlegt er að finna húsinu hlutverk til framtíðar.

Verði húsið selt leggur heimastjórn áherslu á að að söluandvirðinu verði ráðstafað til verkefna í gamla Djúpavogshreppi.

Málið verður tekið fyrir aftur á næsta fundi.

Komið hafa fram hugmyndir frá hollvinasamtökum gömlu kirkjunnar varðandi samvinnu um nýtingu kirkjunnar.

Heimastjórn felur stafsmanni að koma á fundi með hollvinasamtökum Gömlu kirkjunnar og sveitarstjóra til að ræða mögulegt samstarf.

Samþykkt samhljóða.

Eftirfarandi tillaga lögð fram:
Byggðaráð lýsir yfir ánægju með þá vinnu sem Hollvinasamtök um gömlu kirkjuna á Djúpavogi hafa unnið við uppgerð á húsnæðinu. Byggðaráð felur sveitarstjóra að eiga áframhaldandi samtal við hollvinasamtökin um að þau taki við húsnæðinu og leggja drög að samningi samkvæmt áherslum byggðaráðs. Samningurinn fari til umsagnar hjá Heimastjórn Djúpavogs og komi svo til afgreiðslu í byggðaráði.

Samþykkt samhljóða án atkvæðagreiðslu.

Heimastjórn líst vel á fyrirliggjandi drög og felur starfmanni að vinna málið áfram í samráði við sveitarstjóra og Byggðaráð.

Samþykkt samhljóða.

Eftirfarandi tillaga lögð fram:
Byggðaráð samþykkir fyrirliggjandi drög að samningi milli Múlaþings og Hollvinasamtaka um gömlu kirkjuna á Djúpavogi og felur sveitarstjóra að ganga frá samningi við samtökin.

Samþykkt samhljóða án atkvæðagreiðslu.