Heimastjórn Djúpavogs

Heimastjórn samþykkir fyrir sitt leyti færslu á fjöldarhjálparstöð RKÍ úr grunnskólanum yfir í íþróttamiðstöð.

Samþykkt samhljóða.

Heimastjórn fagnar frumkvæði forstöðumanns Íþróttamiðstöðvar Djúpavogs en telur mikilvægt að allar umsóknir í Fiskeldissjóð sem og aðra sjóði séu unnar tímanlega í samráði við heimastjórn og viðeigandi fastanefndir.

Samþykkt samhljóða.

Rúnar Matthíasson, verkefnastjóri framkvæmda, fer yfir stöðu mála í Steinum 1 (Gömlu kirkjunni).

Umhverfis- og framkvæmdaráð fól heimastjórn Djúpavogs að taka ákvörðun um framtíðarnýtingu hússins.

Heimastjórn felur starfsmanni að útbúa auglýsingu í samræmi við umræður á fundinum þar sem auglýst er eftir áhugasömum aðilum um nýtingu og/eða rekstur í húsnæðinu.

Samþykkt samhljóða.

Heimastjórn fór yfir kostnaðarmat á nokkrum innsendum hugmyndum og fól starfsmanni að ganga frá kaupum á "aparólu" til uppsetningar á leiksvæðinu í Blánni.

Samþykkt samhljóða.

Sérstakt fjármagn er ætlað í menningarverkefni, svo kölluð jaðarverkefni á Djúpavogi og Vopnafirði í gegnum Sóknaráætlun Austurlands. Á hvoru svæði fyrir sig er áætlað árlega 500.000 kr. og sama upphæð á móti frá sveitarfélaginu.

Margar góðar menningartengdar hugmyndir voru sendar inn í tengslum við samfélagsverkefni heimastjórna.

Heimastjórn samþykkir að setja fjármagnið í tvö verkefni; Að breyta fjalli (700þ) og Minnismerki um sjómenn (300þ).

Starfsmanni falið að vinna málið áfram.

Samþykkt samhljóða.

Farið yfir stöðu mála varðandi húsnæðismál slökkviliðs, þjónustumiðstöðvar, hafna og björgunarsveitar.

Heimastjórn telur mikilvægt að framtíðaruppbygging, skipulag og fjárfestingar á vegum sveitarfélagsins á Djúpvogi komi til umfjöllunar í heimastjórn áður en ákvarðanir eru teknar.

Heimastjórn felur starfmanni að koma á fundi með hlutaðeigandi aðilum.

Samþykkt samhljóða.

Farið yfir stöðu mála í Faktorshúsinu.
Framkvæmdum miðar vel og reiknar leigutaki með því að opna í kringum sumardaginn fyrsta.

Íbúafundur heimastjórnar verður haldinn á Djúpavogi, fimmtudaginn 2. maí kl. 17:00 - 19:00.

Starfsmanni falið að staðsetja og auglýsa fundinn.

Samþykkt samhljóða.

Heimastjórn telur að skoða þurfi betur vegtengingar þjóðvegarins við þéttbýlið á Djúpavogi. Ný vegtenging til norðurs er til bóta en einnig þyrfti að skoða vegtengingu til suðurs sem er ekki nógu örugg.
Einnig ætti að huga að mögulegum lóðum við þessar vegtengingar fyrir þjónustu sem gæti átt þar heima.

Samþykkt samhljóða.

Heimastjórn Djúpavogs beinir því til sveitarstjórnar að þess verði farið á leit við innviðaráðherra að taka vegaframkvæmdir við Öxi af lista PPP verkefna og að ríkið fjármagni framkvæmdina. Mikilvægt er að framkvæmdir hefjist strax á næsta ári og gerist þess þörf þá verði verkefninu áfangaskipt þannig að hægt verði að ljúka því á að hámarki þremur árum.

Heimastjórn bendir á að Axarvegur sé sá vegkafli á landinu sem fellur hvað best að markmiðum samgönguáætlunar um aukið öryggi, styttingu vegalengda, tengingu byggða og umhverfismál og því eðlilegt að fjármunum verði forgangsraðað í anda þess.

Samþykkt samhljóða

Víkurland: Búið er að grjótverja ströndina og ganga frá. Nú á einungis eftir að leggja göngustíg, setja frárennslisrör á nokkrum stöðum og lýsingu.

Hitaveita: Borun gengur hægt og er núna í um 770 metrum. Hitamælingar hafa valdið vonbrigðum og ekki hefur tekist að skera þá vatnsæð sem stefnt var að.

Grunnskólinn: Langt komið með að klæða húsið að utan, næst eru þakkantar og einnig þarf að endurnýja þök á hluta af skólabyggingunni.

Borgarland: Fyrsta áfanga er lokið fyrir utan jöfnunarlag og malbik, verktaki gerir ráð fyrir að taka næsta áfanga þegar frost er farið úr jörðu.

Næsti reglulegi fundur heimastjórnar á Djúpavogi verður haldinn miðvikudaginn 8. maí nk kl. 10:00. Erindi fyrir fundinn þurfa að berast starfsmanni heimastjórnar fyrir kl. 16:00 föstudaginn 3. maí á netfangið eiður.ragnarsson@mulathing.is