Umhverfis- og framkvæmdaráð Múlaþings

Málið var áður á dagskrá 1. fundar ráðsins þann 21.10.2020. Yfirmaður eignasjóðs gerði grein fyrir stöðu málsins og þeim hugmyndum sem uppi eru varðandi framhaldið.

Lagt fram til kynningar.

Samhliða grenndarkynningu á fyrirhuguðum byggingaráformum á Vesturvegi 4, Seyðisfirði, hefur borist athugasemd varðandi málsmeðferð við óverulega breytingu á aðalskipulagi Seyðisfjarðar sem staðfest var af Skipulagsstofnun þann 24.9.2020. Skipulagsfulltrúi gerði grein fyrir málinu og samskiptum við Skipulagsstofnun vegna þess.

Eftirfarandi tillaga lögð fram.
Með hliðsjón af fram komnum ábendingum um hugsanlegan ágalla á málsmeðferð, telur umhverfis og framkvæmdaráð rétt að afturkalla óverulega breytingu á aðalskipulagi og auglýsa hana sem aðalskipulagsbreytingu í samræmi við 1. mgr. 36. gr. skipulagslaga.
Málinu vísað til sveitarstjórnar til afgreiðslu

Samþykkt samhljóða með handauppréttingu.

Fyrir umhverfis- og framkvæmdaráði Múlaþings liggur umsókn um byggingaráform og byggingarleyfi vegna breytinga á íbúðarhúsi við Vesturveg 4 á Seyðisfirði í verslunar og þjónustuhús. Ekki er í gildi deiliskipulag á svæðinu. Málið var áður á dagskrá hjá Umhverfis- og framkvæmdarráði þann 18.11.2020. Grenndarkynningu lauk 17. desember 2020. Athugasemdir bárust frá nágrönnum. Athugasemdir bárust einnig frá umsagnaraðilum.

Eftirfarandi tillaga lögð fram:
Umhverfis og framkvæmdaráð samþykkir að fresta afgreiðslu málsins.

Samþykkt samhljóða með handauppréttingu.

Fyrir umhverfis- og framkvæmdaráði liggur umsókn sveitarfélagsins um byggingarleyfi fyrir aukaskólastofur við Skólaveg 1, Rauðaskóla á Seyðisfirði. Um er að ræða tilbúnar samsettar húseiningar úr timbri sem staðsettar verða á áður steyptum grunni sem ætlaður er fyrir viðbyggingu skólahúsnæðis. Ekki er í gildi deiliskipulag á svæðinu. Málið var áður á dagskrá umhverfis- og framkvæmdarráðs þann 18.11.2020. Grenndarkynningu lauk 17.12.2020, engar athugasemdir bárust frá hagsmunaðilum vegna hennar. Athugasemdir hafa borist frá Vinnueftirlitinu og HAUST. Brunavarnir á Austurlandi gera ekki athugasemd.

Eftirfarandi tillaga lögð fram:
Umhverfis og framkvæmdaráð samþykkir að fela eignasjóði að bregðast við fram komnum athugasemdum, samþykkir fyrirliggjandi umsókn og vísar málinu til heimastjórnar Seyðisfjarðar til afgreiðslu.

Samþykkt samhljóða með handauppréttingu.

Umsókn liggur fyrir hjá byggingafulltrúa um stöðuleyfi fyrir matarvagn á Víkurlandi við höfnina á Djúpavogi.

Eftirfarandi tillaga lögð fram:
Umhverfis- og framkvæmdaráð samþykkir að meðan ekki hafa verið settar sérstakar reglur um veitingu leyfa fyrir matarvagna sé byggingarfulltrúa falið að afgreiða slíkar umsóknir sem umsóknir um stöðuleyfi, að fenginni jákvæðri umsögn viðkomandi heimastjórnar um staðsetninguna og að fenginni heimild þess sem hefur umráðarétt á viðkomandi staðsetningu, sé það annar aðili en sveitarfélagið sjálft. Ráðið felur jafnframt framkvæmda- og umhverfismálastjóra að láta semja drög að reglum um matar- og söluvagna og leggja fyrir ráðið.

Samþykkt samhljóða með handauppréttingu.

Umsókn liggur fyrir hjá byggingafulltrúa um stöðuleyfi fyrir matarvagn á Víkurlandi við höfnina á Djúpavogi.

Eftirfarandi tillaga lögð fram:
Umhverfis- og framkvæmdaráð samþykkir að meðan ekki hafa verið settar sérstakar reglur um veitingu leyfa fyrir matarvagna sé byggingarfulltrúa falið að afgreiða slíkar umsóknir sem umsóknir um stöðuleyfi, að fenginni jákvæðri umsögn viðkomandi heimastjórnar um staðsetninguna og að fenginni heimild þess sem hefur umráðarétt á viðkomandi staðsetningu, sé það annar aðili en sveitarfélagið sjálft. Ráðið felur jafnframt framkvæmda- og umhverfismálastjóra að láta semja drög að reglum um matar- og söluvagna og leggja fyrir ráðið.

Samþykkt samhljóða með handauppréttingu.

Fyrir liggur álit Skipulagsstofnunar varðandi auglýsingu aðalskipulagsbreytingar.

Eftirfarandi tillaga lögð fram:
Umhverfis og framkvæmdaráð samþykkir að auglýsa breytingu á aðalskipulagi samkvæmt 1. mgr. 36. gr. skipulagslaga nr. 123/2010, samhliða auglýsingu á deilskipulagi fyrir svæðið við Innri - Gleðivík. Skipulagsfulltrúa er falið að láta lagfæra gögnin í samræmi við ábendingar Skipulagsstofnunar og umræður innan ráðsins um vegtengingu.

Samþykkt samhljóða með handauppréttingu.

Fyrir liggur umsókn frá Skógræktarfélagi Djúpavogs um styrk, annars vegar í formi vinnu nemenda vinnuskólans og hins vegar fjárhæðar svipaðri og hreindýraarður vegna Búlandsness.

Ásdís Hafrún Benediktsdóttir vék af fundi undir þessum lið, vegna tengsla við umsækjanda.

Eftirfarandi tillaga lögð fram:
Umhverfis og framkvæmdaráð samþykkir áframhaldandi samstarf við Skógræktarfélag Djúpavogs um vinnu nemenda vinnuskólans, en vísar beiðni félagsins um beinan fjárstyrk til byggðaráðs til afgreiðslu.

Samþykkt með sex atkvæðum en einn (ÁHB) var fjarverandi.

Fyrir umhverfis- og framkvæmdaráði liggur umsókn um framkvæmdaleyfi vegna skógræktar í landi Hvannár 1 á Jökuldal. Ekki er í gildi deiliskipulag á svæðinu. Umsögn Minjastofnunar liggur fyrir.

Eftirfarandi tillaga lögð fram:
Umhverfis- og framkvæmdaráð felur skipulagsfulltrúa að grenndarkynna áformin í samræmi við 44. gr. skipulagslaga nr. 123/2010. Umsagnaraðilar eru: Vegagerðin, Umhverfisstofnun og Skógræktin. Grenndarkynning nái til eigenda aðliggjandi jarða: Hvannár 2, Hauksstaða, Skeggjastaða, Refshöfða og Teigasels 1. Í ljósi staðsetningar skulu áformin einnig kynnt á heimasíðu sveitarfélagsins og íbúum gefinn kostur á að koma á framfæri athugasemdum meðan grenndarkynning fer fram.

Samþykkt samhljóða með handauppréttingu.

Grenndarkynningu á breytingu á deiliskipulagi Selbrekku, breyting 4 er lokið. Ein athugasemd barst frá íbúum við Flatasel 1.

Málinu frestað til næsta fundar.

Fyrir umhverfis- og framkvæmdaráði liggur að skipa á ný í byggingarnefnd menningarhúss á Egilsstöðum og staðfesta erindisbréf nefndarinnar.

Málinu frestað til næsta fundar.

Fyrir fundinum liggja drög að umsögn um viðauka við Landsskipulagsstefnu 2015-2026. Umsagnarfrestur er til 8. janúar.

Efirfarandi tillaga lögð fram:
Umhverfis- og framkvæmdaráð samþykkir fyrirliggjandi drög að umsögn og felur skipulagsfulltrúa að koma henni á framfæri.

Samþykkt samhljóða með handauppréttingu.

Umræður um stöðu mála á Seyðisfirði í kjölfar hamfara. Framkvæmda- og umhverfismálastjóri fór yfir stöðu mála og aðgerðir.

Lagt fram til kynningar.