Yfirlit frétta

Ormsteiti verður haldið dagana 16. – 24. September og er með veglegu sniði.

Fundur Sveitarstjórnar Múlaþings númer 27 verður haldinn þann 14. september 2022 og hefst kl. 14:00

Sjávarútvegsskóla unga fólksins á Austurlandi er nú lokið. Kennt var samtals í 5 vikur eða frá 6. júní til 7. júlí. Skólinn var kenndur á Vopnafirði, Fáskrúðsfirði, Eskifirði, Neskaupsstað og á Seyðisfirði í eina viku á hverjum stað. Nemendum frá Egilsstöðum var ekið til Seyðisfjarðar. Samtals voru nemendur 42 sem höfðu lokið 8. bekk í grunnskóla.

Verið velkomin á opnun laugardaginn 3. september kl. 14:00 á myndlistarsýningunni Hnikun í Sláturhúsinu Menningarmiðstöð með verkum eftir Ingunni Fjólu Ingþórsdóttur og Þórdísi Jóhannsdóttur. Hnikun er fyrsta sýningin sem opnar í Sláturhúsinu eftir gagngerar endurbætur.

Fjölskyldusvið Múlaþings auglýsir starf forstöðuaðila skíðasvæðisins í Stafdal. Um er að ræða 100% starf sem ráðið er í frá hausti 2022. Í starfinu felst dagleg umsjón með rekstri skíðasvæðisins, starfsmannahald, samskipti við notendur og kynningarstarf. Leitað er að aðila með reynslu af útivist og skíðamennsku með brennandi áhuga og drifkraft til þess að vinna að þróun og utanumhaldi svæðisins.

Þann 1. september verður opið á Bókasafni Héraðsbúa, mánudaga til föstudaga frá klukkan 13 til 18. Fylgið okkur endilega á Facebook og Instagram. Verið öll velkomin.

Sveitarfélagið Múlaþing óskar eftir tilboðum í verkið: Votihvammur II - Gatnagerð og veitulagnir. Verkið felst í jarðvegsskiptum í götum og gangstígum ásamt jöfnun lóða að hönnuðum hæðum. Leggja skal fráveitu-, regnvatns-, hitaveitu-, vatnsveitu-, gagnaveitu- og raflagnir og tengja allar lagnir við núverandi bæjarkerfi, ásamt uppsetningu ljóstastaura.

Félag trérennismiða á Íslandi er um þessar mundir að hefja kynningarátak í trérennismíði um allt land og mun í samstarfi við Múlaþing og félög eldri borgara í sveitarfélaginu, halda tvær slíkar kynningar.

Múlaþing auglýsir opið hús í tengslum við kynningartíma aðalskipulagsbreytinga vegna Fjarðarheiðarganga. Til kynningar eru vinnslutillögur að breytingu á gildandi aðalskipulögum Seyðisfjarðarkaupstaðar og Fljótsdalshéraðs vegna legu ganganna og vegtenginga.

Lögð var til sú tillaga að óskað verði eftir viðræðum við innviðaráðuneytið um uppbyggingu Egilsstaðaflugvallar sem alþjóðaflugvallar.