Yfirlit frétta

Framkvæmdastjóri NTÍ verður til viðtals á Seyðisfirði, dagana 26. og 27. janúar næst komandi. Hægt er að bóka viðtal við framkvæmdastjóra til að fá nánari upplýsingar um lög og reglur NTÍ, koma á framfæri athugasemdum við kynnt tjónamat eða annað sem ástæða er til að ræða. Hægt er að bóka viðtal hér eða í síma 575-3300.

Ákveðið hefur verið að aflétta rýmingu á þeim húsum undir Múla sem lentu á milli skriðutauma þegar stóra skriðan féll 18. desember síðastliðinn. Forsendur sem settar voru fyrir afléttingu voru tvíþættar:

Félagsráðgjafi frá félagsþjónustu Múlaþings verður staðsettur alla mánudaga frá klukkan 10:00-14:00 í Íþróttahúsi Seyðisfjarðar, næstu vikurnar eða eftir þörfum. Hægt er að panta tíma í tölvupósti g.helga.elvarsdottir@mulathing.is. Hægt er að óska eftir samtölum, aðstoð við fjárhagsmál og annað.

Haldinn verður upplýsingafundur fyrir Seyðfirðinga mánudaginn 25. janúar kl. 17.00. Tilgangur fundarins er að upplýsa íbúa Seyðisfjarðar um stöðu mála. Fundurinn fer fram í gegnum Facebooksíðu Múlaþings. Farið verður yfir helstu atriði sem fram koma á fundinum á ensku og pólsku. Íbúar geta sent inn spurningar fyrir fundinn á netfangið mulathing@mulathing.is

Í dag, föstudaginn 22. janúar, verður því miður engin viðvera í þjónustumiðstöðinni í Herðubreið vegna veðurs. Hægt er að komast í samband við starfsfólk bæði í síma og tölvupósti. Einnig má komast í samband við Ólaf Sigurðsson og Evu Jónudóttir, á efri hæð íþróttamiðstöðvarinnar.

Allri umferð í gegnum vinnusvæði á Hafnargötu er stýrt á milli klukkan 8 og 18 virka daga. Sama gildir ef unnið er um helgar við hreinsun. Þess utan er svæðið ekki lokað, en öll óviðkomandi umferð er bönnuð. Með öðrum orðum ef fólk á ekki erindi inn á svæðið er það gjarnan beðið að sleppa því.

Leikfélag Fljótsdalshéraðs er aftur komið af stað með gamanleikinn Fullkomið brúðkaup eftir Robin Hawdon. Á haustdögum kom okkar góði leikstjóri Guðjón Sigvaldason og sett af stað æfingar. En laust fyrir frumsýningu í lok október voru sóttvarnaraðgerðir hertar vegna Covid 19. Leikfélagið hlýddi að sjálfsögðu kallinu og sendi alla heim með handritið og textinn myndi nú ekki gleymast. Leikarar voru duglegir að vera í sambandi og líklega voru þeir í karakter um öll jólin og áramótin.

Starfsfólk frá Veðurstofu Íslands verður staðsett í þjónustumiðstöðinni í Herðubreið miðvikudaginn 20. janúar og fimmtudaginn 21. janúar frá klukkan 16-19. Ef fólk vill spjalla við starfsfólkið og fá til að mynda upplýsingar um vöktun á svæðinu, vinnu við hættumat eða annað sem tengist störfum Veðurstofunnar, má panta tíma í síma þjónustumiðstöðvarinnar 839-9931 eða með því að senda netpóst á netfangið sey@logreglan.is.

Síðustu vikur hefur verið unnið að hreinsunarstarfi á Seyðisfirði, meðal annars á áhrifasvæði stóru skriðunnar er féll 18. desember við svokallaðan Múla. Þar er um hús að ræða við Hafnargötu númer 10, 11, 12, 14, 15, 16b og 18c. Svæðið telst vinnusvæði þar sem óviðkomandi er bannaður aðgangur. Stórvirkar vélar eru notaðar við hreinsunarstarf og gerð varnargarðs ofan við fyrrnefnd hús.

Skíðasvæðið í Stafdal hefur verið opnað að nýju fyrir skíðafólki á öllum aldri. Takmarkanir eru þó á opnun svæðisins vegna sóttvarna og eru gestir svæðisins beðnir að kynna sér þær vel. Tveggja metra reglan gildir alls staðar á svæðinu og er grímuskylda í og við hús og í og við biðraðir. Verður þessari reglu framfylgt stíft og grímulausum verður vísað af svæðinu. Fyrst um sinn verður hámarksfjöldi á svæðinu miðaður við 125 manns fæddum 2004 og fyrr. Börn fædd 2005 og seinna eru ekki inni í þeirri tölu. Fari fjöldi á svæðinu nálægt hámarki stöðvast kortasala og munum við auglýsa það á samfélagsmiðlum og heimasíðu og loka svæðinu fyrir fleiri gestum.