Hernámsdagurinn 2026

Hernámsdagurinn í ár verður haldinn hátíðlegur við Stríðsárasafnið laugardaginn 4. júlí. Á Hernámsdeginum er hernámi Breta á Reyðarfirði þann 1. júlí 1940 minnst.

Dagskráin er fróðleg og skemmtileg fyrir alla aldurshópa:

14:00 Þóroddur Helgason leiðir sögugöngu frá Molanum upp að safni.

Sögur sagðar úr hernáminu og bæjarsögunni. Þægileg og fróðleg ganga fyrir fólk á öllum aldri.

14:45 Súkkulaðikaka, kaffi og mjólk.

15:00 Harmonikkufélag Norðfjarðar leikur dægurlög frá stríðsárunum í Bragganum (eða á planinu ef veður leyfir).

15:30 Kristín Svava Tómasdóttir sagnfræðingur segir frá rannsóknum sínum á Jóhönnu Knudsen og Ástandinu. Í Bragganum.

Jóhanna Knudsen ólst upp í Papósi og bjó um tíma á Fáskrúðsfirði áður en hún komst til manns og ára. Hún lærði hjúkrun og tók virkan þátt í félagsstörfum en á hernámsárunum var hún skipuð forstöðukona Ungmennaeftirlitsins. Í starfi sínu leiddi hún einhverjar umfangsmestu persónunjósnir Íslandssögunnar og stóð fyrir hatrammri baráttu gegn samneyti hers og (kven-)þjóðar.

Kristín Svava hefur meðal annars birt rannsóknarniðurstöður sínar í bókinni Fröken Dúllu sem kom út fyrir síðustu jól.

16:15 Háðsádeilukvikmyndin JoJo Rabbit sýnd í bíóbragganum. Athugið að myndin er ekki við hæfi ungra barna.