Framboð í heimastjórn Seyðisfjarðar

Hér munu birtast þau framboð sem óskað hefur verið eftir að séu birt.

Grímur Orri Sölvason, Túngötu 4, Seyðisfirði

Grímur Orri Sölvason

Grímur Orri Sölvason heiti ég og er 33 ára, fæddur og uppalinn í Vestmannaeyjum en flutti til Seyðisfjarðar vorið 2021 og bý þar með unnustu minni. Saman eigum við tvo drengi. Ég starfa sem skipstjóri hjá Kaldvík laxeldi.

Mig langar að vera rödd sem byggir á samvinnu, sanngirni og skynsemi og leggja mitt af mörkum til áframhaldandi uppbyggingar, góðrar þjónustu og sterks samfélags til framtíðar.

Guðlaug Sigfúsdóttir, Baugsvegi 3, Seyðisfirði

Guðlaug Sigfúsdóttir

Ég heiti Guðlaug Sigfúsdóttir og er búsett að Baugsvegi 3 á Seyðisfirði. Ég býð fram krafta mína til heimastjórnar vegna þess að ég held að ég gæti haft eitthvað til málanna að leggja.

Hildur Þórisdóttir, Austurvegi 17, Seyðisfirði

Hildur Þórisdóttir

Ég býð mig fram í heimastjórn Seyðisfjarðar því ég brenn fyrir velferð & uppbyggingu okkar góða samfélags. Ég hef búið á Seyðisfirði um helming æviskeiðsins eða í um 21 ár. Ég bý með Bjarka Borgþórssyni & saman eigum við tvo drengi. Ég starfa sem verkefnastjóri mannauðs hjá Múlaþingi og hef starfað að sveitarstjórnarmálum síðastliðin 12 ár. Hef sinnt þar ýmsum hlutverkum en hef setið í sveitarstjórn, byggðaráði og stjórn HEF veitna á þessu kjörtímabili. Ég hef sinnt starfi mínu sem kjörinn fulltrúi af alúð og festu en ég hef ítrekað tekið slaginn á opinberum vettvangi í baráttunni fyrir bættum samgöngum, í uppbyggingunni eftir aurskriðurnar og eftir lokun fiskvinnslunnar á Seyðisfirði svo eitthvað sé nefnt.

Ég er réttsýn, lausnamiðuð & staðföst en ég er sannfærð um að reynsla mín & fyrri störf komi sér vel í þeim verkefnum sem framundan eru á kjörtímabilinu.

Snorri Emilsson, Botnahlíð 32, Seyðisfirði

Ég hef verið varamaður í heimastjórn Seyðisfjarðar síðari hluta þess kjörtímabils sem er að ljúka og vil gjarnan fá tækifæri til að vinna af fullum krafti fyrir okkar góða samfélag hér á Seyðisfirði.

Heimastjórnin er mikilvæg leið til þess og vil ég gjarnan beita mér fyrir enn styrkari áhrifum hennar innan Múlaþings.

Snorri Jónsson, Miðtúni 1, Seyðisfirði

Snorri Jónsson

Ktl.: 220752-3489

Ég býð mig fram til setu í heimastjórn Seyðfirðinga.

Ég mun reyna að vera öflugur málsvari fyrir bæjarfélagið.

Sveinn Ágúst Þórsson, Miðtúni 8, Seyðisfirði

Sveinn Ágúst Þórsson

Ég, Sveinn Ágúst Þórsson að Miðtúni 8, hef ákveðið að bjóða mig fram í heimastjórn. Ég tel mig hafa margt gott fram að færa og til málanna að leggja þegar kemur að okkar frábæra samfélagi.

Fyrir þá sem þekkja mig ekkert eða lítið:
Þá flutti ég á Seyðisfjörð 2013 ásamt mínum (miklu) betri helming og eigum við eina dóttur. Ég er fæddur og uppalinn Vestmanneyingur en hef fundið mitt heima hér á Seyðisfirði.

Ég er menntaður blikksmiður og starfaði sem slíkur og þar áður í sjávarútvegi. En síðustu árin hef ég verið bæjarverkstjóri Seyðisfjarðar. Ég hef verið formaður knattspyrnudeildar Hugins að verða í 10 ár og um tíma varamaður í aðalstjórn Hugins. Einnig sat ég í umhverfisnefnd síðustu tvö ár Seyðisfjarðarkaupstaðar.

Settu X við Svein Ágúst Þórsson, Miðtúni 8.

Síðast uppfært 11. maí 2026