Peaces Ensemble í Bláu kirkjunni

Hvernig mættum við kynnast? er spunnið tónverk fyrir saxófón, kirkjuorgel og hljóðgervil, meðal annars, sem tekur mið af spurningunni sem titill hennar varpar fram. Flytjendurnir hefja verkið á því að hlusta eftir hvernig þau hafa kynnst hvert öðru, hvernig þau mættu kynnast fólkinu í salnum og á hvaða hátt við kynnumst öll landslaginu sem umvefur okkur.

 

Tónverkið markar upphaf helgarinnar On Collaboration Part 1: BFFs Forever, eftir gestalistamenn Skaftfells Ástríði Jónsdóttur og Zekarias Musele Thompson.

 

Peaces Ensemble skipa Zekarias Musele Thompson, Joshua Wismans, Pétur Eggertsson, Tómas van Oosterhout og petals. Mörg þeirra munu hittast í fyrsta sinn.
Peaces er þverfaglegt samstarfsverkefni Zekarias Musele Thompson og Joshua Wismans, með aðsetur í Oakland, Kaliforníu. Þau notast við unnin hljóð, ómun, rafeindatækni, myndbönd og innsetningar og skapa með þeim rými til sameiningar.