Byggðaráð Múlaþings

Björn Ingimarsson sveitarstjóri kynnti samstarfsyfirlýsingar við leigufélagið Bríet sem hyggst reysa íbúðarhúsnæði bæði á Djúpavogi og Seyðisfirði.

Farið yfir stöðu mála, m.a. varðandi viðræður við húseigendur.

Byggðaráð er sammála um mikilvægi þess að halda áfram viðræðum við Síldarvinnsluna um framtíðarútfærslu á aðstöðu til atvinnuuppbyggingar í sjávarúvegi á Seyðisfirði.

Fyrir lá verðmat 200 m2 atvinnuhúsnæðis að Smiðjuseli 2 í Fellabæ sem er í eigu HEF veitna ehf. Einnig kom fram að fyrir liggur ákvörðun stjórnar HEF veitna um að selja umrætt húsnæði.

Eftirfarandi tillaga lögð fram:
Þar sem ljóst er að umrætt húsnæði mun nýtast sveitarfélaginu, m.a. sem geymsluhúsnæði, samþykkir byggðaráð Múlaþings að fela sveitarstjóra að ganga til samninga við HEF veitur ehf á grundvelli fyrirliggjandi verðmats. Kaupverð skal koma til lækkunar á greiðslum HEF veitna ehf vegna yfirfærslu á veitustarfsemi sveitarfélagsins til félagsins.

Samþykkt samhljóða.

Fyrir lágu fundargerðir hluthafafundar, dags. 11.03.2021, stjórnarfundar, dags. 11.03.2021, aðalfundar, dags. 19.03.2021 og stjórnarfundar, dags. 21.04.2021.

Lagt fram til kynningar.

Fyrir lá fundargerð Almannavarnarnendar Austurlands, dags. 19.04.2021.

Lagt fram til kynningar.

Fyrir lágu fundargerð aðalfundar Minjasafns Austurlands, dags. 14.04.2021, árskýrsla 2020 og ársreikningur 2020.

Lagt fram til kynningar.

Fyrir lá 13. Stöðuskýrsla teymis um uppbyggingu félags og atvinnumála í kjölfar COVID-19.

Lagt fram til kynningar.

Fyrir lá bókun umhverfis- og framkvæmdaráðs Múlaþings, dags. 21.04.2021, þar sem fram kemur að ekki eru gerðar athugasemdir við drög að samningi um afnot af landi í eigu sveitarfélagsins á Eiðum og málinu vísað til byggðaráðs til afgreiðslu.

Eftirfarandi tillaga lögð fram.
Byggðaráð Múlaþings samþykkir fyrirliggjandi drög að samningi um afnot af landi í eigu sveitarfélagsins á Eiðum. Jafnframt felur byggðaráð sveitarstjóra að ganga frá samningi við Jón Elvar Gunnarsson, kt. 261190 - 2819, um afnot af landi á Eiðum í samræmi við ákvæði fyrirliggjandi samningsdraga.

Samþykkt samhljóða.

Fyrir lá erindi frá stjórn Björgunarbátasjóðs Austurlands varðandi endurnýjun á björgunarskipinu Hafbjörgu og mögulega aðkomu sveitarfélagsins að því með styrkfé.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að eiga samræður við fulltrúa stjórnar Björgunarbátasjóðsins auk annarra hagsmunaaðila á svæðinu og afla frekari upplýsinga varðandi umrætt erindi. Málið verði tekið fyrir að nýju er frekari upplýsingar liggja fyrir.

Samþykkt samhljóða.

Fyrir lágu upplýsingar um að fulltrúar Alcoa Fjarðaráls höfðu ekki tök á að koma til þessa fundar með byggðaráði eins og fyrirhugað hafði verið.

Eftirfarandi tillaga lögð fram.
Samþykkt að boða fulltrúa Alcoa Fjarðaráls til fundar með byggðaráði þriðjudaginn 4. maí 2021.

Samþykkt samhljóða.

Fyrir lágu erindi frá stjórnum og tenglaráði Knattspyrnudeildar Hattar varðandi aðstöðu til íþróttaiðkunar á Egilsstöðum og í Fellabæ auk erindis frá frjálsíþróttadeild Hattar varðandi mögulega fyrirhugaðar breytingar á Vilhjálmsvelli.
Inn á fundinn undir þessum lið komu Guðmundur Magni Bjarnason, Hjördís Ólafsdóttir, Óttar Steinn Magnússon, Hafþór A. Rúnarsson og Unnar Erlingsson fh. þessara deilda Hattar.

Að lokinni kynningu frá fulltrúum knattspyrnudeildar og frjálsíþróttadeildar, svöruðu gestir spurningum byggðaráðs og einnig voru málin rædd í framhaldinu.
Þeim síðan þökkuð koman og veittar upplýsingar.

Fyrir lágu erindi frá stjórnum og tenglaráði Knattspyrnudeildar Hattar varðandi aðstöðu til íþróttaiðkunar á Egilsstöðum og í Fellabæ auk erindis frá frjálsíþróttadeild Hattar varðandi mögulega fyrirhugaðar breytingar á Vilhjálmsvelli.

Liðir 11 og 12 í fundargerðinni voru teknir saman til umfjöllunar og vísast því í bókun undir lið 11.

Lagt fram til kynningar.

Lagt fram til kynningar.

Lagt fram til kynningar.