Byggðaráð Múlaþings

Sviðsstjóri fjármála, sviðsstjóri mannauðs- og þjónustu og sveitarstjóri fóru yfir og kynntu mál er varða fjármál og rekstur sveitarfélagsins.

Fyrir liggja ábendingar og athugasemdir sem fram komu á Sveitarstjórnarbekknum, viðtalsfundi kjörinna fullrúa á jólamarkaðnum Jólakettinum, 13. desember 2025 og var beint til byggðaráðs til umfjöllunar og afgreiðslu.

Fyrir liggur listi yfir störf hjá Múlaþingi sem undanskilin eru verkfallsheimild árið 2026, komi til verkfalla, sbr. 19. gr. laga um kjarasamninga opinberra starfsmanna nr. 94/1986 með síðari breytingum og 2. gr. laga nr. 129/2020 um skrá yfir störf hjá sveitarfélögum sem heimild til verkfalls nær ekki til.

Fyrir liggur samantekt deildarstjóra menningarmála um menningarstarf í Múlaþingi á árinu 2025 auk ársskýrslna menningarmiðstöðvanna Sláturhússins og Skaftfells.
Á fundinn undir þessum lið mætti Elsa Guðný Björgvinsdóttir, deildarstjóri menningarmála.

Fyrir liggur til kynningar gátlisti frá Jafnréttisstofu með hugmyndum um leiðir til að að styðja sveitarstjórnir í að auka fjölbreytni og dýpka skilning á mikilvægi ólíkra sjónarhorna við mótun sveitarstjórna.

Fyrir liggur bókun heimastjórnar Fljótsdalshéraðs frá 8. janúar 2025 þar sem lagt er til við byggðaráð að boðað verði til fundar með hagaðilum á svæðinu um uppbyggingu miðbæjar á Egilsstöðum.

Fyrir liggur minnisblað, dagsett 8. janúar 2026, fá sviðsstjóra framkvæmda og slökkviliðsstjóra Múlaþings, þar sem lagt er til að Múlaþing gangi til samninga við Björgunarsveitina Sveinunga á Borgarfirða eystra um kaup Sveinunga á 25% hluta áhaldahússins, F2319737, á Borgarfirði.

Fyrir liggja til kynningar drög að hreindýraarði fyrir árið 2025 á ágangssvæði/jarðir í Múlaþingi. Drögin voru til skoðunar, m.a. á skrifstofum sveitarfélagsins 8. til 18. desember síðast liðinn.
Einnig liggur fyrir minnisblað og bókun heimastjórnar Djúpavogs frá 8. janúar 2026 þar sem fram kemur að heimastjórnin telur eðlilegt að þeim fjármunum sem skila sér í sveitarsjóð vegna felligjalda og ágangs hreindýra í gamla Djúpavogshreppi, sé varið í verkefni sem gagnist til útivistar og veiði innan gamla Djúpavogshrepps.

Fyrir liggur til kynningar fundargerð samráðshóps um uppbyggingu atvinnulífs á Seyðisfirði frá 12. janúar 2026.
Í fundargerðinni er því beint til byggðaráðs að óska eftir fundi með umhverfisráðherra vegna atvinnuhúsa á ofanflóðasvæði á Seyðisfirði.

Fyrir liggur til kynningar fundargerð stjórnar HEF veitna frá 13. janúar 2026.

Atvinnuvegaráðuneytið kynnir til samráðs mál nr. S 252/2025, Drög að frumvarpi til laga um lagareldi. Umsagnarfrestur er til og með 26.1. 2026.
Málið var áður á dagskrá byggðaráðs 6. janúar 2026.

Innviðaráðuneytið kynnir til samráðs mál nr. S 5/2026, Drög að nýrri reglugerð um strandveiðar. Umsagnarfrestur er til og með 23.1. 2026.