Byggðaráð Múlaþings

Eftirfarandi tillaga lögð fram:
Byggðaráð samþykkir að veita sveitarstjóra umboð til að þiggja tilboð Fjarskiptasjóðs um styrk til ljósleiðaraverkefnis í Berufirði.

Samþykkt samhljóða án atkvæðagreiðslu.

Dagmar Ýr Stefánsdóttir og Smári Kristinsson mættu til fundar við byggðaráð undir þessum lið, til að fara yfir ýmis samstarfsmál Alcoa og Múlaþings.
M.a var farið yfir akstur starfsmanna Alcoa frá Seyðisfirði til og frá vinnustað og stöðuna í því máli. Eins var rekstrarstaða Alcoa almennt rædd.
Að loknum umræðum var gestunum þökkuð koman og veittar upplýsingar.

Framkvæmdarstjóri, stjórnarformaður HEF og Bogi Kárason verkefnastjóri, mættu á fund byggðaráðs til að fara yfir helstu verkefni HEF 2021. Einnig svöruðu þeir spurningum byggðaráðsmanna varðandi ýmsar framkvæmdir á vegum HEF á þessu ári.
Gestunum síðan þökkuð koman og veittar upplýsingar.

Fyrir lá fundarboð á aðalfund HEF sem haldinn verður í Þingmúla í Valaskjálf föstudaginn 19. mars 2021 kl. 17:00.

Eftirfarandi tillaga lögð fram:
Byggðráð samþykkir að fulltrúar í sveitarstjórn fari með atkvæði sveitarfélagsins á aðalfundinum og skiptist það jafnt á þá sem mæta til fundar. Sé fulltrúi í sveitarstjórn forfallaður er viðkomandi heimilt að kalla til varafulltrúa í sinn stað, sem fer þá með atkvæði viðkomandi.

Samþykkt samhljóða án atkvæðagreiðslu.

Fyrir lá viljayfirlýsing varðandi samstarf Múlaþings og University of the Highlands and Islands (UHI) í Skotlandi um þróun menntasamstarfs á háskólagrunni á sama hátt og UHI hefur staðið að í Skotlandi og nærsvæðum.
Inn á fundinn komu Jón Þórðarson, Óttar Már Kárason og Tinna Jóhanna Magnusson og gerðu grein fyrir samskiptum við UHI og innihaldi verkefnisins.

Eftirfarandi tillaga lögð fram:
Byggðaráð Múlaþings fagnar því að fyrir liggi upplegg að verkefni sem verði mögulega til þess fallið að auka möguleika íbúa svæðisins til að stunda nám á háskólastigi. Byggðaráð Múlaþings felur jafnframt sveitarstjóra að undirrita fyrirliggjandi viljayfirlýsingu fyrir hönd sveitarfélagsins.

Samþykkt samhljóða án atkvæðagreiðslu.

Fulltrúar HSA, þau Guðjón Hauksson, Nína Hrönn Gunnarsdóttir og Pétur Heimisson komu á fund til að fara yfir málefni HSA, bráðaþjónustu, dvalarheimila og fl. til dæmis varðandi mönnun og fjármögnun rekstrar.
Að loknum góðum umræðum var gestunum þökkuð koman og veittar upplýsingar.

Fyrir lágu fundargerðir stjórnarfundar og aðalfundar Ársala dags. 04.03.2021.

Lagt fram til kynningar.

Fyrir lá fundargerð byggingarnefndar menningarhúss dags. 04.03.2021.

Lagt fram til kynningar.

Fyrir lá fundargerð Héraðsskjalasafns Austfirðinga dags. 03.03.2021.

Lagt fram til kynningar.

Fyrir lá fundargerð 895. fundar stjórnar Sambands íslenskra sveitarfélaga dags. 26.02.2021.

Lagt fram til kynningar.

Fyrir lá fundargerð 62. fundar stjórnar Samtaka sjávarútvegssveitarfélaga dags. 22.02.2021.

Lagt fram til kynningar.

Fyrir liggja til afgreiðslu drög að Jafnlaunastefnu Múlaþings og Jafnréttisáætlun Múlaþings. Fram kom að Jafnréttisstofa hefur móttekið og yfirfarið Jafnréttisáætlun Múlaþings og óskar sveitarfélaginu til hamingju með virkilega vandaða og vel unna jafnréttisáætlun.

Eftirfarandi tillaga lögð fram:
Byggðaráð Múlaþings fagnar því vandaða verki sem unnið hefur verið af starfsfólki sveitarfélagsins og samþykkir fyrirliggjandi Jafnréttisáætlun sem uppfyllir kröfur laga nr. 150/2020 um jafna stöðu og jafnan rétt kynjanna auk laga nr. 151/2020 um stjórnsýslu jafnréttismála. Jafnframt samþykkir byggðaráð Múlaþings fyrirliggjandi drög að Jafnlaunastefnu og felur verkefnastjóra mannauðs að annast innleiðingu hennar.

Samþykkt samhljóða án atkvæðagreiðslu.

Fyrir lá bókun heimastjórnar Fljótsdalshéraðs sem hvetur byggðaráð til að taka hugmyndir að bættum ferðamannavegi frá Kárahnjúkastíflu út að bænum Brú á Jökuldal upp við Vegagerðina og hagaðila enda mikil tækifæri fyrir ferðaþjónustu á Austurlandi að bæta aðgengi um svæðið.

Eftirfarandi tillaga lögð fram:
Byggðaráð Múlaþings felur sveitarstjóra að koma málinu á framfæri við Vegagerðina auk þess að óska eftir því að fulltrúi Vegagerðarinnar komi til fundar með byggðaráði til að ræða þetta mál ásamt öðrum er snúa að samgöngum innan sveitarfélagsins.

Samþykkt samhljóða án atkvæðagreiðslu.

Fyrir fundinum lá samstarfssamningur með Landmælingum Íslands og Fljótsdalshéraði um söfnun og skráningu örnefna auk bókunar heimastjórnar Fljótsdalshéraðs þar sem hvatt er til þess að farið verði í skipulega skráningu annarra svæða í sveitarfélaginu.

Eftirfarandi tillaga lögð fram:
Byggðaráð Múlaþings tekur undir með heimastjórn Fljótsdalshéraðs og vísar málinu til atvinnu- og menningarstjóra Múlaþings til frekari vinnslu. Við þá vinnslu verði horft til þeirrar aðferðarfræði er nýtt hefur verið við framkvæmd verksins á Fljótsdalshéraði.

Samþykkt samhljóða án atkvæðagreiðslu.

Fyrir lá 11. stöðuskýrsla teymis um uppbyggingu félags og atvinnumála í kjölfar COVID-19.

Lagt fram til kynningar.

Fyrir lá erindi frá Foreldrafélagi leikskóladeildar Seyðisfjarðarskóla þar sem fram kemur að þörf sé á viðhaldi leiktækja á leikskólalóð sökum aldurs og vanrækslu.

Eftirfarandi tillaga lögð fram:
Byggðaráð Múlaþings samþykkir að vísa erindinu til framkvæmda- og umhverfismálastjóra til skoðunar og vinnslu.

Samþykkt samhljóða án atkvæðagreiðslu.

Eftirfarandi tillögur lagðar fram:
Byggðaráð Múlaþings leggur til við sveitarstjórn að sumarleyfi sveitarstjórnar 2021, verði frá fundi sveitarstjórnar þann 9. júní og til og með 10. ágúst og mun byggðaráð fara með fullnaðarafgreiðsluheimild mála þann tíma. Fyrsti fundur sveitarstjórnar eftir sumarfrí verður 11. ágúst.

Byggðaráð leggur jafnframt til við sveitarstjórn að sumarlokun bæjarskrifstofa 2021 verði:

Á Borgarfirði frá og með fimmtudeginum 1. júlí, til og með föstudeginum 30. júlí.
Á Djúpavogi frá og með fimmtudeginum 1. júlí, til og með föstudeginum 30. júlí.
Á Seyðisfirði frá og með fimmtudeginum 1. júlí, til og með föstudeginum 30. júlí.
Á Egilsstöðum frá og með mánudeginum 19. júlí, til og með föstudeginum 30. júlí.

Samþykkt samhljóða án atkvæðagreiðslu.

Fyrir lá tilkynning frá Jafnréttisstofu og Sambandi íslenskra sveitarfélaga varðandi áhrif nýrrar jafnréttislöggjafar á sveitarfélög.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.