Bæjarráð Seyðisfjarðar

2471. fundur 06. júní 2019

2471. fundur bæjarráðs Seyðisfjarðar

Fimmtudaginn 6. júní 2019 kom bæjarráð Seyðisfjarðar saman til fundar á skrifstofu kaupstaðarins að Hafnargötu 44. Fundurinn hófst kl. 10.00.

Fundinn sátu:

Rúnar Gunnarsson formaður L – lista.

Þórunn Hrund Óladóttir í stað Hildar Þórisdóttur L – lista.

Elvar Snær Kristjánsson D – lista.

Vilhjálmur Jónsson áheyrnarfulltrúi B – lista.

Aðalheiður Borgþórsdóttir, bæjarstjóri.

Fundargerð ritaði bæjarstjóri

Fundargerð var færð í tölvu.

Dagskrá:

1. Fundur með fulltrúum frá Rarik, Atvinnuvega- og nýsköpunarráðuneyti og Orkustofnun um mismunandi varmaöflunarleiðir fyrir Seyðisfjarðarkaupstað.

Fram kom að ennþá er unnið að endanlegri lausn á húshitunarvanda Seyðfirðinga. Einnig kom fram hjá forsvarsmönnum Rarik að ekki stendur til að loka hitaveitunni á meðan unnið er að lausn málsins.

2. Fundargerðir:

2.1. Umhverfisnefnd frá 31.05.2019.

Bæjarstjóra falið að ræða við aðila máls varðandi lið 1.

Fundargerð samþykkt með tveimur atkvæðum Rúnars og Þórunnar Hrundar. Elvar Snær er á móti.

3. Reglur Seyðisfjarðarkaupstaðar um niðurfellingu gatnagerðargjalda, fullnaðarafgreiðsla.

Bæjarráð samþykkir tímabundna niðurfellingu gatnagerðargjalda sbr. framlögð gögn á fundinum.

4. Ærslabelgur

Bæjarráð þakkar foreldrafélagi grunn- og leikskóla fyrir framtakið og þiggur gjöfina með þökkum. Bæjarstjóra falið að senda út fréttatilkynningu og kynna málið.

Fundi slitið kl. 12.48.