Gilárvirkjun, aðalskipulagsbreyting

Byggðaráð Múlaþings, sem fór með fullnaðarafgreiðslu sveitarstjórnar í sumarleyfi sveitarstjórnar, samþykkti þann 15. júlí 2025 að auglýsa tillögu að breytingu á Aðalskipulagi Fljótsdalshéraðs 2008-2028 vegna Gilsárvirkjunar skv. 31. gr. skipulagslaga nr. 123/2010.

Tillagan er unnin af Eflu verkfræðistofu fyrir hönd framkvæmdaraðila, Orkusölunnar, og er sett fram í greinargerð og uppdrætti. Í skipulagstillögunni er skilgreint nýtt iðnaðarsvæði fyrir 6,7 MW vatnsaflsvirkjun í Gilsá í Gilsárdal, ásamt 7 nýjum efnistökusvæðum.

Smelltu hér til að skoða gögn og skila inn athugasemd

Hverjum þeim aðila sem telur sig eiga hagsmuna að gæta er gefinn kostur á að gera athugasemdir við skipulagstillöguna til og með 10. nóvember 2025. Tekið er á móti athugasemdum á rafrænan hátt í gegnum Skipulagsgátt. Hægt er að óska eftir nánari leiðbeiningum gegnum netfangið skipulagsfulltrui@mulathing.is

Umsagnir um skipulagsmál teljast til opinberra gagna. Vakin er athygli á því að nöfn og umsagnir koma fram í fundargerðum sveitarfélagsins og eru aðgengileg opinberlega á Skipulagsgáttinni.

Skipulagsfulltrúi Múlaþings

Hugrún Hjálmarsdóttir