Afgreiðslufundur skipulagsfulltrúa Múlaþings

12. fundur 03. mars 2026 kl. 10:00 - 10:10 í fjarfundi

Nefndarmenn

Hugrún Hjálmarsdóttir skipulagsfulltrúi
Sóley Valdimarsdóttir verkefnastjóri skipulagsmála
Anna Margrét Jakobsd. Hjarðar þjónustufulltrúi skipulagsmála

Fundargerð ritaði: Sóley Valdimarsdóttir verkefnastjóri skipulagsmála

1.Umsókn um lóð, Austurtún 6

Málsnúmer 202601121 Vakta málsnúmer

Fyrir liggur umsókn, dags. 19. janúar 2026, frá ÞHG ehf. um byggingarlóðina Austurtún 6 (L234911) á Egilsstöðum.

Skipulagsfulltrúi samþykkir fyrirliggjandi umsókn með vísan í samkomulag sveitarfélagsins við umsækjanda um uppbyggingu íbúðarhúsnæðis sem undirritað var 31. mars 2025.
Starfsfólki falið að ganga frá úthlutun lóðarinnar til umsækjanda.

2.Umsókn um lóð, Oddagata 5

Málsnúmer 202602161 Vakta málsnúmer

Fyrir liggur umsókn, dags. 18. febrúar 2026, frá Himnasmiðir ehf. um byggingarlóðina Oddagötu 5 (L237340) á Seyðisfirði í tengslum við flutning húss af Hafnargötu 42B sem stendur á hættusvæði.

Skipulagsfulltrúi samþykkir fyrirliggjandi umsókn með vísan í fyrirliggjandi kaupsamning, dags. 4. júní 2025, þar sem kveðið er á um að hús við Hafnargötu 42B sé selt til flutnings á Oddagötu 5.
Starfsfólki falið að ganga frá úthlutun lóðarinnar til umsækjanda.

Fundi slitið - kl. 10:10.