Heimastjórn Borgarfjarðar

Stefán Aspar Stefánsson, verkefnastjóri umhverfismála kom inn á fundinn og þakkar heimastjórn honum fyrir að gera grein fyrir stöðu málsins. Stefáni falið að fylgja málinu eftir við Vegagerðina og upplýsa heimastjórn um framvinduna á næsta fundi.

Samþykkt samhljóða með handauppréttingu.

Heimastjórn gerir ekki athugasemdir við fyrirliggjandi áætlun um eignamörk en hvetur landeigendur, sérstaklega aðliggjandi jarða, til að skoða landeignaskrána og gera athugasemdir ef þörf krefur. Frestur til þess rennur út 3. desember næstkomandi og er það gert í gegnum island.is.

Samþykkt samhljóða með handauppréttingu.

Heimastjórn samþykkir að úthluta íbúðinni til Dagrúnar Sólu Óðinsdóttur. Starfsmanni falið að hafa samband við Dagrúnu varðandi afhendingartíma og leigusamning og upplýsa aðra umsækjendur um niðurstöðuna.

Samþykkt með tveimur atkvæðum (ÁMS, ÓMK), einn sat hjá (ÓAH).

Veðurstöð Vegagerðarinnar á Vatnsskarði segir ekkert til um veðurfar í þéttbýlinu. Að sama skapi gefur veðurspá Veðurstofunnar oft á tíðum ekki heldur upp rétta mynd af staðbundnu veðurfari á Borgarfirði þar sem vindmæli vantar. Afar mikilvægt er fyrir íbúa og mikinn fjölda gesta að geta nálgast raunupplýsingar um veðurfar. Starfsmanni falið að koma erindinu á framfæri við Veðurstofu Íslands.

Samþykkt samhljóða með handauppréttingu.

Vegagerðin hefur nú kynnt endurskoðað leiðarkerfi fyrir landsbyggðarstrætó á Austurlandi og er leiðin milli Borgarfjarðar og Egilsstaðar ekki hluti af því, heldur skilgreind sem innanbæjarakstursleið. Múlaþing er fjölkjarnasveitarfélag og því ætti Vegagerðin að greiða almenningssamgöngur milli byggðakjarna sveitarfélagsins, annað vinnur gegn sameiningu sveitarfélaga. Heimastjórn Borgarfjarðar telur þessa niðurstöðu Vegagerðarinnar algjörlega óáæsttanlega og fer þess á leit að hún verði endurskoðuð, að öðrum kosti tryggi sveitarfélagið almenningssamgöngur til Borgarfjarðar.
Heimastjórn samþykkir að vísa málinu til byggðaráðs.

Samþykkt samhljðða með handauppréttingu.

Lagt fram til kynningar.