Umsókn um lóð á við Bakkaveg, Borgarfirði

Fyrir umhverfis- og framkvæmdaráði liggur umsókn um lóð nr. 26 við Bakkaveg á Borgarfirði. Deiliskipulag svæðisins hefur ekki verið staðfest en bíður eftir auglýsingu aðalskipulagsbreytingar í B-deild stjórnartíðinda.

Jónína Brynjólfsdóttir vék af fundi undir þessum lið, vegna tengsla við umsækjanda.

Eftirfarandi tillaga lögð fram:
Umhverfis- og framkvæmdaráð þakkar umsóknina en samþykkir að vísa henni frá að svo stöddu og bendir umsækjanda á að sækja um að nýju þegar skipulag hefur verið staðfest og lóðin auglýst laus til úthlutunar. Þetta er í samræmi við stefnumörkun umhverfis- og framkvæmdaráðs við úthlutun lóða.

Samþykkt með handauppréttingu með sex atkvæðum, einn (JB) var fjarverandi.