Fara í efni

Ályktun bæjarráðs Árborgar um leikskólamál

Málsnúmer 202111016

Vakta málsnúmer

Byggðaráð Múlaþings - 38. fundur - 16.11.2021

Fyrir lá erindi frá Sambandi íslenskra sveitarfélag þar sem fram kemur að á fundi stjórnar Sambandsins þann 29.10.2021 var samþykkt að taka undir ályktun bæjarráðs Árborgar, dags. 30.09.2021, varðandi mikilvægi þess að ríkisvaldið viðurkenni leikskólastigið sem menntastofnun.

Eftirfarandi tillaga lögð fram:
Byggðaráð Múlaþings tekur undir ályktun bæjarráðs Árborgar varðandi mikilvægi þess að Samband íslenskra sveitarfélaga beiti sér fyrir fullri viðurkenningu ríkisvaldsins á leikskólastiginu sem menntastofnun og að sveitarfélögunum verði skilgreindur tekjustofn til að standa straum af kostnaði við rekstur leikskóla frá lokum fæðingarorlofs sem og að tryggja leiðir til að fjármagna þjónustu við fötluð börn á leikskólum og börn með annað móðurmál en íslensku. Byggðaráð fagnar jafnframt því að Samband íslenskra sveitarfélaga hafi sett í ferli viðræður við stjórnvöld vegna málsins.

Samþykkt samhljóða án atkvæðagreiðslu.

Fjölskylduráð Múlaþings - 31. fundur - 16.11.2021

Fjölskylduráð tekur undir ályktanir bæjarráðs Árborgar og Sambands Íslenskra sveitarfélaga um að Sambandið "beiti sér fyrir fullri viðurkenningu ríkisvaldsins á leikskólastiginu sem menntastofnun með því að ríkisvaldið skilgreini sveitarfélögum tekjustofn til að standa straum af kostnaði við rekstur leikskóla frá lokum fæðingarorlofs".

Samþykkt samhljóða án atkvæðagreiðslu.
Var efnið á síðunni hjálplegt?