Húsnæðismál Fellaskóla

Fyrir liggur erindi frá starfsfólki Fellaskóla varðandi húsnæðismál skólans.

Til máls tóku: Eyþór Stefánsson, Ásrún Mjöll Stefánsdóttir, Jónína Brynjólfsdóttir, Þröstur Jónsson, Guðný Lára Guðrúnardóttir, Eyþór Stefánsson, Berglind Harpa Svavarsdóttir, Eyþór Stefánsson kom til svara, Ásrún Mjöll Stefánsdóttir, Helgi Hlynur Ásgrímsson, Hildur Þórisdóttir, Berglind Harpa Svavarsdóttir, Eyþór Stefánsson til andsvara og Helgi Hlynur Ásgrímsson

Eyþór Stefánsson lagði fram fyrir hönd VG,L og M lista eftirfarandi breytingartillögu:
Sveitarstjórn Múlaþings tekur áskorun starfsfólks Fellaskóla og samþykkir að snúa við áðurnefndri ákvörðun um notkun Fellaskóla á húsnæði Gamla Hádegishöfða. Auk þess felur sveitarstjórn Múlaþings fjölskylduráði að skipa starfshóp hvers hluterk verði að greina þá valkosti er koma til greina varðandi húsnæðismál Fellaskóla og leikskóla á héraði. Starfshópurinn verði skipaður fulltrúa frá meirihluta í fjölskylduráði, fulltrúa frá minnihluta í fjölskylduráði, fulltrúa starfsmanna Fellaskóla og leikskólafulltrúa.

Breytingartillagan felld með sex atkvæðum, 5 samþykkir (ES,HHÁ,HÞ,ÁMS,ÞJ)

Eftirfarandi tillaga lögð fram:
Með vísan til fyrirliggjandi erindis starfsfólks Fellaskóla felur sveitarstjórn Múlaþings fjölskylduráði að skipa starfshóp hvers hlutverk verði að greina þá valkosti er koma til greina varðandi lausn húsnæðismála Fellaskóla fram að þeim tíma þegar farið verður í að stækka húsnæðið en það er á áætlun fyrir árin 2030-2032. Starfshópurinn verði skipaður fulltrúa frá meirihluta í fjölskylduráði, fulltrúa frá minnihluta í fjölskylduráði og fulltrúa starfmanna Fellaskóla. Fræðslustjóri og framkvæmda- og umhverfismálastjóri starfi með starfshópnum. Starfshópurinn skili niðurstöðum til fjölskylduráðs til afgreiðslu fyrir lok mars nk.

Samþykkt með sex atkvæðum ,fjórir sátu hjá (ES,HHÁ,HÞ,ÁMS) einn á móti (ÞJ)

Fulltrúar L- VG og M-lista lögðu fram eftirfarandi bókun:
Erindi sem þessi eru viðbúin þegar viðhöfð eru ófagleg vinnubrögð í ákvarðanatöku. Fulltrúar L- V -og M-lista harma vinnubrögðin sem viðhöfð voru í þessu máli og illa rökstudda niðurstöðu meirihlutans og vona enn fremur að betur verði staðið að ákvarðanatöku sem þessari í framtíðinni. Veigamiklar ákvarðanir sem þessar eiga að vera teknar að vel ígrunduðu máli og á grundvelli ítarlegra gagna. Við lýsum þó yfir samstarfsvilja til að vinna málið áfram en frábiðjum okkur jafn gerræðisleg vinnubrögð og viðhöfð hafa verið í þessu máli hingað til.

Fyrir liggur erindisbréf fyrir starfshóp um húsnæðismál Fellaskóla. Eftirfarandi eru tilnefndir í starfshópinn, fyrir meirihlutann er Björg Eyþórsdóttir, fyrir minnihlutann er Jóhann Hjalti Þorsteinsson og fyrir hönd starfsfólks er Þórhalla Þráinsdóttir.

Samþykkt samhljóða með handauppréttingu.