Mótmæli vegna hækkunar á gjaldskrá fyrir sund og líkamsrækt fyrir eldri borgara

Málsnúmer 202510160

Fjölskylduráð Múlaþings - 146. fundur - 18.11.2025

Fyrir liggur erindi frá Jónasi Þór Jóhannssyni, fyrir hönd stjórnar Félags eldri borgara Fljótsdalshéraðs, dagsett 20. október 2025. Í erindinu mótmælir félagið hækkun á aðgangseyri eldri borgara að sundlaug og líkamsræktaraðstöðu sveitarfélagsins og fer þess á leit að sú hækkun verði dregin til baka eða að minnsta kosti lækkuð umtalsvert.

Fjölskylduráð þakkar fyrir erindið. Að svo stöddu verður gjaldskrá ekki endurskoðuð en ráðinu er umhugað um að koma til móts við eldri borgara og öryrkja og hyggst því kanna mögulegar útfærslur sem gætu bætt aðgengi þessara hópa.

Samþykkt með sex greiddum atkvæðum, með handauppréttingu, einn sat hjá (JHÞ).