Starfsmannamál

Eftirfarandi tillaga lögð fram:
Byggðaráð staðfestir ráðningu Ingvars Rafns Stefánssonar í stöðu sviðsstjóra fjármála hjá Múlaþingi.
Ingvar Rafn er með BSc. gráðu í viðskiptafræði og meistarapróf í reikningskilum og endurskoðun frá Háskóla Íslands. Undanfarið ár hefur Ingvar Rafn starfað sem deildarstjóri fjármálasviðs hjá Fjarðabyggð. Áður starfaði Ingvar Rafn hjá Deloitte á Egilsstöðum, fyrst sem sérfræðingur og verkefnastjóri og síðar sem útibússtjóri hjá Deloitte á Höfn og síðar á Egilsstöðum. Þar bar hann ábyrgð á verkefnastjórnun, ráðgjöf til viðskiptavina um uppgjörs- og endurskoðunarvinnu og gæðamálum verkefna.
Ingvar Rafn mætir vel þeim kröfum sem gerðar voru í auglýsingu um menntun, reynslu og þekkingu.

Byggðaráð staðfestir ráðningu Hlyns Jónssonar í stöðu sviðsstjóra stjórnsýslu hjá Múlaþingi. Hlynur Jónsson er með BA og ML gráðu í lögfræði frá Háskólanum í Reykjavík og öðlaðist lögmannsréttindi árið 2016. Hlynur hefur rekið eigin lögmannsstofu á Egilsstöðum, Austurlög ehf., frá 2024 og hefur mikla reynslu af rekstri dómsmála og af starfsemi stjórnsýslunnar. Áður starfaði hann sem lögmaður hjá JSG lögmönnum ehf. frá árinu 2016-2024. Hann hefur einnig verið formaður yfirkjörstjórnar í Múlaþingi frá árinu 2022 og kynnst í þeim störfum stjórnsýslu sveitarfélagsins.
Hlynur mætir vel þeim kröfum sem gerðar voru í auglýsingu um menntun, reynslu og þekkingu.

Samþykkt samhljóða án atkvæðagreiðslu.