Umsókn um framkvæmdaleyfi, endurheimt votlendis, Snotrunes 2 og Framnes

Verkefnastjóri skipulagsmála situr fundinn undir þessum lið.

Fyrir liggur umsókn um framkvæmdaleyfi frá Landi og skógi vegna endurheimtar votlendis á jörðunum Framnesi (L157235) og Snotrunesi 2 (L157265) á Borgarfirði. Framkvæmdasvæðið er 45,5 ha. að stærð. Landið er að mestu skilgreint sem gott ræktunarland í nýju aðalskipulagi Múlaþings en landeigendur nýta það ekki til ræktunar eða matvælaframleiðslu. Mögulegt er að endurheimta landið til matvælaframleiðslu á nýjan leik og eru fyrirhuguð áform því metin í samræmi við landnotkun og ákvæði aðalskipulags.