Fjárhagsáætlun Múlaþings 2026 til 2029. Viðauki 2

Málsnúmer 202608073

Byggðaráð Múlaþings - 196. fundur - 18.08.2026

Fyrir liggur tillaga að viðauka við fjárhagsáætlun 2026 vegna breytingar á reglugerð nr. 1212/2015 um bókhald, fjárhagsáætlanir og ársreikninga sveitarfélaga. Breytingarnar fela í sér endurskoðun á málaflokkum og deilda innan þeirra, og kalla á að málaflokkar og deildir í bókhaldi sveitarfélagsins verði uppfærðar til samræmis.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögu að viðauka 2 sem felur í sér tilfærslu tekna og gjalda á milli málaflokka í samræmi við breytingar á reglugerð nr. 1212/2015 um bókhald, fjárhagsáætlanir og ársreikninga sveitarfélaga. Breytingarnar hafa ekki áhrif á heildarútgjöld sveitarfélagsins heldur eingöngu á flokkun tekna og gjalda milli málaflokka.

Helstu áhrif breytinganna á málaflokka eru eftirfarandi:

Málaflokkur 01 Málefni fatlaðs fólks: Nettóútgjöld aukast um 703,9 m.kr. vegna tilfærslu verkefna frá málaflokki 02 Félagsþjónustu.

Málaflokkur 02 Félagsþjónusta: Nettóútgjöld lækka um 703,9 m.kr. vegna tilfærslu verkefna í málaflokk 01 Málefni fatlaðs fólks.

Málaflokkur 08 Úrgangsmál: Nettóútgjöld lækka um 8,6 m.kr. vegna tilfærslu heilbrigðiseftirlits og dýraeftirlits í málaflokk 11 Umhverfis- og atvinnumál.

Málaflokkur 09 Skipulags- og samgöngumál: Nettóútgjöld aukast um 600,2 m.kr. vegna sameiningar við málaflokk 10 Umferðar- og samgöngumál.

Málaflokkur 10 Umferðar- og samgöngumál: Nettóútgjöld lækka um 600,2 m.kr. vegna tilfærslu verkefna í málaflokk 09 Skipulags- og samgöngumál.

Málaflokkur 11 Umhverfis- og atvinnumál: Nettóútgjöld aukast um 138,8 m.kr. vegna tilfærslu verkefna frá málaflokki 13 Atvinnumál og frá málaflokki 08 Úrgangsmál.

Málaflokkur 13 Atvinnumál: Nettóútgjöld lækka um 130,2 m.kr. vegna tilfærslu verkefna í málaflokk 11 Umhverfis- og atvinnumál.

Samþykkt samhljóða án atkvæðagreiðslu.