Yfirlit frétta

Daglegur fundur Veðurstofunnar og Almannavarna fór fram fyrr í dag en hann sátu fulltrúar lögreglu á Austurlandi og Múlaþings vegna úrkomuspár fyrir næstu daga og vatnssöfnunnar.

Markmið sjóðsins er að styrkja fjölskyldur og einstaklinga í Múlaþingi og á Vopnafirði sem búa við þröngan kost og létta þannig undir fyrir jólin.

Fyrirhugað er að setja á stofn samráðshóp um Cittaslow á Djúpavogi með það að markmiði að efla vitund og starf í anda Cittaslow á svæðinu. Samráðshópurinn verður skipaður þremur fulltrúum og þremur til vara sem skipaðir verða í kjölfar auglýsingar. Samráðshópur um Cittaslow fundar að jafnaði 2-4 á á ári, að vori og að hausti.

Töluvert hefur rignt á Austfjörðum og þar með á Seyðisfirði undanfarna daga og eðlilegt að það veki áhyggur hjá sumum. 

Múlaþing auglýsir til leigu íbúðina Lækjargrund 2 á Borgarfirði eystra. Um er að ræða 68,4 fermetra íbúð með tveimur svefnherbergjum, í parhúsi. Umsóknafrestur er til og með 23. nóvember.

Fjárhagsáætlun Múlaþings fyrir árið 2023 ásamt 3ja ára áætlun fyrir 2024-2026 lögð fram til fyrri umræðu í sveitarstjórn Múlaþings á fundi þann 9. nóvember 2022 og hefst fundur kl.14.00. Seinni umræða er áætluð þann 14. desember 2022.

Byggðarráð Múlaþings auglýsir til umsóknar styrki til menningarstarfs á árinu 2023 með umsóknarfresti til og með 13. desember 2022. Múlaþing veitir menningarstyrki til einstaklinga, hópa, félagssamtaka, fyrirtækja og stofnana til almennrar liststarfsemi, viðburða eða verkefna. Umsækjendur skulu tengjast Múlaþingi með búsetu, með því að viðburðurinn fari fram í Múlaþingi eða feli í sér kynningu á menningarstarfsemi Múlaþings.

Spáð er skammvinnri en ákafri úrkomu á norðurhluta Austfjarða í kvöld, þar sem búast má við allt að 50 mm úrkomu í byggð. Úrkomuákefðin verður mest um 4-6 mm á láglendi og hiti á bilinu 0-5° C og því má búast við því að það rigni á láglendi en snjói til fjalla. Fram að helgi má svo búast við áframhaldandi rigningu en ekki er spáð mikilli ákefð og því gæti uppsöfnuð úrkoma á næstu dögum farið upp undir 100 mm.

Bergrún Íris er margverðlaunaður barnabókahöfundur og mun hún kenna börnunum undirstöðuatriðin í smásagnagerð.

Næsti fundur sveitarstjórnar Múlaþings nr. 29 verður haldinn miðvikudaginn 9. nóvember 2022 klukkan 14:00. Hægt er að fylgjast með fundinum í beinni útsendingu á netinu, þar er einnig hægt að skoða upptökur af síðustu fundum.