Laugardaginn 16. maí 2026 (kjördagur) fara fram tvennar kosningar í Múlaþingi:
- Sveitarstjórnarkosningar: kjör fulltrúa í sveitarstjórn Múlaþings
- Heimastjórnarkosningar: íbúakosning um fulltrúa í heimastjórnum Borgarfjarðar, Djúpavogs, Fljótsdalshéraðs og Seyðisfjarðar. Nánari upplýsingar um heimastjórnarkosningar má finna hér.
Hér að neðan eru upplýsingar um hvar og hvenær hægt verður að neyta atkvæðisréttar í utankjörfundaratkvæðagreiðslu fyrir kjördag 16. maí 2026.
Utankjörfundaratkvæðagreiðsla hefst fimmtudaginn 30. apríl 2026. Athugið að staðsetningar utankjörfundaratkvæðagreiðslu geta verið ólíkar eftir því um hvaða kosningu ræðir.
Heimastjórnarkosningar:
Atkvæðagreiðsla utan kjörfundar fer fram á öllum fjórum skrifstofum sveitarfélagsins frá 30. apríl 2026 til og með 15. maí 2026:
- Borgarfjörður eystri: Fjarðarborg, 2. hæð
Opnunartími: Mánudaga til fimmtudaga 10-14, föstudaga 10-12 - Djúpivogur: Geysir, Bakka 1
Opnunartími: Mánudaga til fimmtudaga 10-14, föstudaga 10-12 - Egilsstaðir: Lyngás 12
Opnunartími: Mánudaga til fimmtudaga 8-15:30, föstudaga 8-13:30 - Seyðisfjörður: Hafnargata 44
Opnunartími: Mánudaga til fimmtudaga 10-14, föstudaga 10-13:30
Kjósendur sem eiga ekki heimangengt eða eru fjarstaddir geta óskað eftir að fá kjörgögn vegna heimastjórnarkosninga send með pósti. Í slíkum tilvikum skal senda beiðni á netfangið mulathing@mulathing.is, og ber kjósandinn ábyrgð á því að koma atkvæði sínu til skila á réttan stað. Þessi möguleiki gildir aðeins um heimastjórnarkosningar en ekki sveitarstjórnarkosningar.
Sveitarstjórnarkosningar:
Atkvæðagreiðsla utan kjörfundar fer fram sem hér segir:
- Egilsstaðir og Seyðisfjörður: Atkvæðagreiðsla utan kjörfundar hófst 17. apríl 2026 og stendur yfir til og með 15. maí 2026, og fer fram á skrifstofum sýslumanns að Lyngási 15 (Egilsstaðir) og Bjólfsgötu 7 (Seyðisfjörður).
- Borgarfjörður eystri og Djúpivogur: Hægt verður að kjósa utan kjörfundar í sveitarstjórnarkosningum á skrifstofum sveitarfélagsins í Fjarðarborg, 2. hæð (Borgarfjörður) og Geysi, Bakka 1 (Djúpivogur) frá 30. apríl 2026 til og með 15. maí 2026.
