Fara í efni

Frá aðgerðarstjórn Austurlands

Niðurstaða sýnatöku sem framkvæmd var síðast liðinn föstudag á þeim sem fóru í sóttkví í kjölfar smits 17. nóvember liggur fyrir nema í einu tilfelli þar sem endurtaka þarf sýnatökuna. Öll hin sýnin voru neikvæð, það er engin smit greindust. Ekki eru því vísbendingar um fleiri smit í samfélaginu. Uppruni smitsins er þó óljós enn. Aðgerðastjórn hvetur íbúa því til að gæta sérstakrar varkárni næstu vikuna í það minnsta. Í því felst meðal annars að halda sig heima ef veikinda verður vart og leita þá ráðgjafar á heilsugæslu eða í síma 1700.

Aðgerðastjórn áréttar nú í aðdraganda jóla að við gætum vel hvert að öðru og hringjum reglulega í ættingja, vini og kunningja, sér í lagi þá sem kunna að búa við einangrun, þá er dvelja á dvalar- og hjúkrunarheimilum, sjúkrahúsum og svo framvegis.


Getum við bætt efni þessarar síðu?