Fara í efni

Grenndarkynning, Turninn á Seyðisfirði

29.11.2021 Fréttir

Umhverfis- og framkvæmdaráð Múlaþings hefur falið skipulagsfulltrúa að grenndarkynna byggingaráform og útmörk viðskipta- og þjónustulóðar við Austurveg 1 (L154874) á Seyðisfirði í samræmi við 1. mgr. 44. gr. skipulagslaga nr. 123/2010. Ráðið samþykkti að grenndarkynnt yrði fyrir lóðarhöfum við Suðurgötu 2 og Austurveg 3 auk þess að áformin yrðu kynnt almenningi með auglýsingu og kynningu á heimasíðu sveitarfélagsins með vísan til staðsetningar á áberandi stað í miðju bæjarins á svæði sem nýtur hverfisverndar.

Um er að ræða endurbyggingu á Turninum sem fórst í aurskriðu við Hafnargötu á síðasta ári. Við endurbyggingu verður farið eftir upprunalegum teikningum frá Norskri sögunarmyllu sem framleiddi húsið upphaflega.

Fyrirhuguð staðsetning er í samræmi við tillögur ráðgjafanefndar um færslu húsa á Seyðisfirði sem skipuð var í kjölfar skiðufalla á Seyðisfirði í desember 2020. Nálgast má skýrsluna hér að neðan en þar segir að Turninn sé "sennilega fyrsta hús sinnar tegundar á Íslandi. Eyjólfur Jónsson bankastjóri flutti það inn frá Noregi árið 1908. Má segja að Turninn hafi markað upphaf sjoppumenningar á Íslandi. Þar var verslað með sælgæti, öl, tóbak og ýmisskonar innflutta pakka- og dósavöru. Turninn er plankahús og ganga plankarnir fram í kili á hornum. Við breytingar á húsinu hafa plankaendarnir verið sagaðir af og annars staðar fúnað í endana. Turninn er eitt sérkennilegasta húsið í húsasafni Seyðfirðinga og má ekki fyrir nokkurn mun glatast.“ (Húsasaga Seyðisfj. útg. 2020).

Athugasemdum og ábendingum við grenndarkynningu þessa skal skila í síðasta lagi þann 4. janúar 20212 í tölvupósti á netfangið skipulagsfulltrui@mulathing.is Jafnframt er unnt að óska eftir frekari upplýsingum á sama netfangi.

Þeir sem ekki gera athugasemdir fyrir tilgreindan tíma teljast samþykkir tillögunni.

 

Virðingarfyllst,

Skipulagsfulltrúi Múlaþings

 

Kynningargögn, lögð fram af málsaðila, unnin af Verkráð ehf. og dags. 27. október 2021.

Skýrsla ráðgjafanefndar um færslu húsa utan Búðarár.

Fyrirhuguð staðsetning við Austurveg 1 (m. skýrsla ráðgjafanefndar)
Fyrirhuguð staðsetning við Austurveg 1 (m. skýrsla ráðgjafanefndar)
Getum við bætt efni þessarar síðu?