Miðvikudaginn 12. maí var haldinn kynningarfundur um verkefnið Úthérað – náttúruvernd og efling byggða.
Fundurinn var fjarfundur og tekinn upp og er aðgengilegur á Facebooksíðu Múlaþings. Þau sem ekki gátu sótt fundinn í síðustu viku gefst því enn þá kostur á að hlýða á erindin. Jafnframt eru þau sem áhuga hafa, hvött til þess að svara stuttri könnun, eftir að hafa hlýtt á fyrirlestrana, en spurningakönnunina má finna hér. Frestur til að svara könnuninni er til 10. júní.
Verkefnið er hluti af byggðaáætlun en er jafnframt hluti af verkefni sem Fljótsdalshérað hefur unnið að á undanförnum árum um möguleika náttúru- og menningartengdrar ferðaþjónustu á Úthéraði.
Vakin er athygli á að nálgast má tvær áfangaskýrslur, sem unnar hafa verið um verkefnið, á heimasíðu Náttúrustofunnar, þ.e. um lýsingu svæðisins og hagrænar sviðsmyndir.
Dagskrá fundarins þann 12. maí var svona:
- Farið yfir tilurð, tilgang og stöðu verkefnisins – Múlaþing, Stefán Bogi Sveinsson
- Farið yfir niðurstöður greinargerða 1 og 2 um Úthéraðsverkefni unnar af Náttúrustofunni – Guðrún Óskarsdóttir
- Hvað er friðlýsing? – Umhverfisstofnun, Ingibjörg Marta Bjarnadóttir
- Náttúruvernd og byggðaþróun – Rannsóknasetur HÍ á Hornafirði, Þorvarður Árnason
- Leitað eftir skoðun þátttakenda sem mikilvæg innlegg fyrir lokaskýrslu um C9 verkefnið
- Næstu skref í verkefninu – Austurbrú, Jóna Árný Þórðardóttir
Fyrirhuguð er að halda vinnustofu í Hjaltalundi um verkefnið með þeim sem áhuga hafa þegar aðstæður leyfa.
