Sextán leik- og grunnskólakennarar úr öllum leik- og grunnskólum í Múlaþingi og Vopnafirði fóru nýverið í námsferð til Valencia á Spáni. Ferðin var farin með stuðningi úr Erasmus+ aðild Múlaþings.
Dagskrá ferðarinnar var fjölbreytt og fól meðal annars í sér heimsóknir í skóla, kynningu á skólakerfinu og kennaramenntun, auk menningarlegrar fræðslu.
Markmið ferðarinnar var að efla fagleg tengsl innan sveitarfélaganna og á milli skólastiga í hverjum þéttbýliskjarna, með sérstakri áherslu á að styrkja samfellu í námi barna frá leikskóla til grunnskóla.
Ferðin tókst afar vel, góð tengsl mynduðust innan hópsins og Valencia tók vel á móti þátttakendum í hlýju og góðu veðri.
