Sumaráætlun strætó á Egilsstöðum og í Fellabæ tekur gildi næsta mánudag, 8. júní.
Tímatöflur á stoppistöðvum hafa verið uppfærðar og innihalda nú einnig kort af akstursleiðum til að auðvelda farþegum að skipuleggja ferðir sínar.
Akstursleið strætó í Fellabæ mun taka breytingum í sumar vegna gatnaframkvæmda. Nánari upplýsingar um þær breytingar verða kynntar síðar.
Íbúar eru hvattir til að nýta sér almenningssamgöngur sem ferðamáta en þjónustan er gjaldfrjáls.
