Vegna bilunar í hreinsibúnaði og hitakerfi sundlaugarinnar á Djúpavogi verður stóra sundlaugin og annar heiti potturinn lokuð út október hið minnsta. Ástæða þess að viðgerð dregst er meðal annars langur afhendingartími varahluta.
Áfram verður opið í barnalaug og öðrum heita pottinum, auk þess sem íþróttasalur og líkamsrækt verða opin samkvæmt hefðbundnum opnunartíma.
Ekki liggur fyrir nákvæm dagsetning á því hvenær hægt verður að opna sundlaugina á ný. Upplýsingar verða uppfærðar þegar frekari tíðindi berast af viðgerðinni.
Beðist er velvirðingar á þeim óþægindum sem lokunin kann að valda og íbúum og öðrum gestum þakkaður sýndur skilningur.
Íþrótta- og tómstundadeild Múlaþings
