Yfirlit frétta

Tilkynning síðan í gær, sunnudag 28. mars. Fimm eru enn í einangrun á Austurlandi vegna landamærasmita. Einn tíu smitaðra skipverja um borð í súrálsskipi við Mjóeyrarhöfn á Reyðarfirði var síðdegis í dag fluttur með sjúkraflugi á Landspítala. Tilefni flutningsins var viss versnun einkenna á þann hátt að samkvæmt áður gerðri áætlun þótti rétt að flytja hann til öryggis á sjúkrahús. Ástand annarra smitaðra um borð telst stöðugt.

Íbúafundur fyrir Seyðfirðinga Haldinn á Facebook þann 30. mars 2021 klukkan 17:00 Tilgangur fundarins er að upplýsa íbúa Seyðisfjarðar um stöðu mála. Fundurinn fer fram í gegnum Facebooksíðu Múlaþings Íbúar geta sent inn spurningar fyrir fundinn á netfangið mulathing@mulathing.is

Frá og með deginum í dag, 26. mars 2021, lokar símanúmer og netfang þjónustumiðstöðvar Almannavarna sem var í Herðubreið. Ef fólk þarfnast upplýsinga vegna hamfaranna á Seyðisfirði í desember 2020 eða er með spurningar er bent á símanúmer Múlaþings, 4-700-700.

Í stuttu máli erum við komin á fornar slóðir fyrri bylgna faraldursins með þeim ströngu reglum er þá giltu. Helstu breytingarnar lúta að óformlegum leiðbeiningum sóttvarnaryfirvalda varðandi ferðalög. Þó ekki sé beinlínis hvatt til þeirra utanhúss að þessu sinni þá er áherslan ekki heldur á ferðalag innanhúss líkt og var um síðustu páska. Þess í stað er lagt fyrir fífldjarfa ferðalanga sem hyggjast leggja í hann að fara þá ofurvarlega á ókunnum lendum. Í því felst að halda sínum ranni þétt að sér og öðrum frá, sem og að gæta að persónubundnum sóttvörnum; tveggja metra reglu, grímunotkun, handþvotti og sprittun snertiflata.

Því miður þarf að skella í lás í öllum íþróttamiðstöðvum og sundlaugum Múlaþings frá og með deginum í dag, 25. mars. Þetta er mjög miður enda páskarnir framundan og aukinn opnunartími og mikið stuð planað. En það þarf að taka því rólega í þrjár vikur og Múlaþing vonast svo til að geta boðið gesti velkomna að þeim tíma liðnum.

Áhrif hertra sóttvarna á leik- grunn- og tónlistarskóla í Múlaþingi

Tíu COVID smit eru á Austurlandi, öll í skipi við bryggju á Reyðarfirði í Mjóeyrarhöfn. Aðgerðastjórn metur ekki yfirvofandi hættu af dreifingu smita frá skipinu.

Vakin er athygli á fjölmörgum og spennandi störfum í Múlaþingi. Múlaþing er nýtt sveitarfélag á Austurlandi með rúmlega 5000 íbúum. Nánar má lesa um störfin hér.

Stefnt er að því að halda íbúafund vegna Seyðisfjarðar þriðjudaginn 30. mars næst komandi klukkan 17:00. Fundurinn fer fram með sama hætti og fyrri fundir, það er fundinum verður streymt á heimasíðu Múlaþings og á facebook-síðu sveitarfélagsins. Dagskrá verður kynnt er nær dregur.

Starfsfólk Landmælinga Íslands heldur námskeið í staðsetningu örnefna, bæði í tölvu og á loftmyndir, á Egilsstöðum og í Végarði í Fljótsdal fimmtudaginn 25. mars. Staðkunnugir og áhugasamir um örnefnaskráningu á Héraði og einnig á Austurlandi öllu eru vinsamlegast beðnir um að senda tölvupóst á bjarney@lmi.is. Þau sem hafa áhuga á að sækja námskeiðin í Hlymsdölum geta haft samband við Gyðu í síma 865 6622. Hámarksfjöldi á hvert námskeið eru 12 einstaklingar. Námskeiðið er ókeypis.