Yfirlit frétta

Umhverfisstofnun hefur unnið tillögu að breytingu á starfsleyfi Fiskeldis Austfjarða hf. í Berufirði. Um er ræða breytingar á grein 1.2 sem snýr að annars vegar að breytingu á svæðum og hins vegar gr. 3.2 um styttingu hvíldartíma. Allar breytingar eru skilgreindar með hornklofa í leyfistillögunni.

Vakin er athygli á breytingum varðandi sumaropnun á bókasöfnum á Djúpavogi og Seyðisfirði. Bókasafn Héraðsbúa er opið frá klukkan 14-19 alla virka daga. Nánari upplýsingar um bókasöfn í Múlaþingi má fá með því að smella á "lesa meira".

Miðvikudaginn 2. júní klukkan 17.30 verður fræðslufundur fyrir foreldra á Zoom. Fyrirlesari er Vanda Sigurgeirsdóttir lektor við menntavísindasvið HÍ og þjálfari hjá KVAN.

Tveir einstaklingar greindust smitaðir í fjórðungnum í gær, á Vopnafirði líkt og fram hefur komið í fjölmiðlum. Þeir tilheyra sömu fjölskyldu og höfðu verið í sóttkví frá kvöldi 26. maí. Uppruni smitanna er þekktur og er ekki á Austurlandi heldur tengist ferðum viðkomandi utan svæðisins. Því er ekki talin hætta á að viðkomandi hafi smitað aðra.

Njótum tilslakana en gætum á sama tíma að því að fara ekki svo hratt um dyr gleðinnar að þær skellist enn á ný. Höldum þeim opnum og gerum það saman.

Framkvæmdum er að mestu lokið við nýjan sparkvöll á Suðursvæðinu á Egilsstöðum. Sparkvöllurinn sem er reyndar endurnýttur þar sem hann stóð fyrst við grunnskólann á Hallormsstað en var tekinn niður þar fyrir nokkrum árum og hefur nú verið settur upp að nýju.

Auglýst er breyting á Aðalskipulagi Seyðisfjarðarkaupstaðar 2010 - 2030 vegna byggingu þriggja varnargarða undir Bjólfshlíðum. Breytingin felur jafnframt í sér skilgreiningu á efnistökusvæði í tengslum við uppbyggingu varnargarða, afmörkun skógræktar- og landgræðslusvæðis, breytingu á jafnáhættulínum vegna ofanflóða og skilgreiningu afþreyingar- og ferðamannasvæðis fyrir húsbíla.

Aðgerðastjórn almannavarna á Austurlandi kom saman þriðjudaginn 25. maí og sendi í kjölfarið frá sér eftirfarandi tilkynningu: „Nýjar sóttvarnareglur tóku gildi í gær og voru rýmkaðar talsvert. Heimilt er nú allt að hundrað og fimmtíu einstaklingum að koma saman, hvort sem er í opinberum rýmum eða einkarýmum. Njótum þessa en förum engu að síður varlega enda það ítrekað sýnt sig að veiran er lítt fyrirsjáanleg. Gætum að okkar persónubundnu smitvörnum sem fyrr og sýnum sérstaka aðgát þar sem margir koma saman, svo sem á menningar- og íþróttaviðburðum. Þar mega enn fleiri koma saman eða þrjú hundruð gestir að uppfylltum skilyrðum.

Eigendum bíla og stærri málmhluta í þéttbýli á Djúpavogi, Egilsstöðum og í Fellabæ, í dreifbýli og þéttbýli á Borgarfirði, dreifbýli og þéttbýli á Seyðisfirði og í Eiða- og Hjaltastaðaþinghá, býðst aðstoð við að færa þá til förgunar, eigendum að kostnaðarlausu.

Fyrir fundi sveitarstjórnar þann 18. maí síðast liðinn var samþykkt að sumarleyfi sveitarstjórnar verði frá fundi þess 9. júní 2021 og til og með 6. ágúst 2021. Byggðaráð mun fara með fullnaðarafgreiðsluheimild mála þann tíma, sbr. 32. gr. samþykkta um stjórn Múlaþings. Fyrsti fundur sveitarstjórnar að afloknu sumarleyfi verður haldinn 18. ágúst. Fundir byggðaráðs verða með hefðbundnum hætti í júní, en gert er ráð fyrir að síðasti fundur þess fyrir sumarleyfi verði 6. júlí. Fyrsti fundur byggðaráðs eftir sumarleyfi verður 10. ágúst.