Byggðaráð Múlaþings

Fjármálastjóri fór yfir og kynnti mál er varðar fjármál og rekstur sveitarfélagsins.

Fjármálastjóri og sveitarstjóri fóru yfir stöðu vinnu við gerð fjárhagsáætlunar fyrir Múlaþing.

Sveitarstjóri gerði grein fyrir stöðu mála varðandi samskipti við húseigendur varðandi möguleg uppkaup sveitarfélagsins á íbúðarhúsnæði á Seyðisfirði. Farið var yfir samskipti við Náttúruhamfaratryggingar varðandi mat á tjóni eigna er tilheyra sveitarfélaginu og lögð fram afgreiðsla Ofanflóðanefndar, dags. 11.06.2021, þar sem hafnað er ósk sveitarfélagsins um aukna aðkomu Ofanflóðasjóðs að uppkaupum á fasteignum á Seyðisfirði.

Samþykkt samhljóða án atkvæðagreiðslu

Fyrir lágu frá verkefnastjóra Mannauðs Múlaþings drög að reglum um fjarvistir, veikindi, launalaust leyfi og lækkað starfshlutfall sem unnar eru með hliðsjón af mannauðsstefnu sveitarfélagsins.

Eftirfarandi tillaga lögð fram.
Byggðaráð Múlaþings samþykkir fyrirliggjandi drög að reglum um fjarvistir, veikindi, launalaust leyfi og lækkað starfshlutfall enda eru þær unnar með mannauðsstefnu sveitarfélagsins að leiðarljósi og er ætlað m.a. að tryggja samræmt verklag á milli stofnana þess.

Samþykkt samhljóða án atkvæðagreiðslu

Fyrir lá fundargerð byggingarnefndar nýs leikskóla í Fellabæ, dags. 21.05.2021, auk minnisblaðs rýnihóps, dags. 18.05.2021, þar sem fram kemur að hægt eigi að vera að rúma kostnað við byggingu nýs leikskóla í Fellabæ innan þess kostnaðarramma er verkefninu hefur verið settur. Sveitarstjóri gerði einnig grein fyrir viðræðum við verktaka varðandi samning um verkið.

Eftirfarandi tillaga lögð fram:
Byggðaráð Múlaþings samþykkir, með vísan til fyrirliggjandi gagna, að fela sveitarstjóra að ganga frá samningi um verkið við MVA ehf. Byggðaráð leggur jafnframt áherslu á að haldið verði áfram að leita hagræðingaleiða vegna framkvæmdarinnar með það að markmiði að geta mætt frávikum frá áætluðum kostnaði sem upp kunna að koma á framkvæmdatíma.

samþykkt samhljóða án atkvæðagreiðslu

Fyrir lá fundargerð stjórnar Sambands íslenskra sveitarfélag, dags. 28.05.2021.

Lagt fram til kynningar.

Fyrir lágu fundargerðir aðal- og stjórnarfundar Vísindagarðsins ehf., dags.04.06.2021.

Lagt fram til kynningar.

Fyrir lá fundargerð aðalfundar SSA, dags. 03.06.2021.

Lagt fram til kynningar.

Fyrir lá boðun framhaldsaðalfundar Landskerfis bókasafna sem haldinn verður um fjarfundarbúnað 28.06.2021.

Eftirfarandi tillaga lögð fram:
Byggðaráð Múlaþings samþykkir að fela atvinnu- og menningarmálastjóra að sitja fyrirhugaðan framhaldsaðalfund Landskerfis bókasafna 28.06.2021 sem fulltrúa sveitarfélagsins og verkefnastjóra á sviði menningarmála til vara.

samþykkt samhljóða án atkvæðagreiðslu

Frestað til næsta fundar byggðaráðs.

Fyrir lágu 15. og 16. stöðuskýrslur teymis um uppbyggingu félags og atvinnumála í kjölfar COVID-19, dags. 11.06.2021 og 28.05.2021.

Lagt fram til kynningar.

Fyrir lá ályktun stjórnar Félags atvinnurekenda vegna fasteignamats 2022 dags. 01.06.2021.

Lagt fram til kynningar.

Fyrir lá frá Menntamálastofnun undirrituð viðurkenning um LungA skóla sem lýðskóla til eins árs. Inn á fundinn kom Björt Sigfinnsdóttir, skólastjóri LungA skóla, og gerði grein fyrir stöðu stofnunarinnar og framtíðarsýn.

Eftirfarandi tillaga lögð fram:
Byggðaráð þakkar áhugaverða kynningu og fagnar þeim mikilvæga áfanga er náðst hefur í starfi LungA skólans.

Samþykkt samhljóða án atkvæðagreiðslu

Fyrir lá minnisblað frá RR-ráðgjöf, dags. 07.06.2021, varðandi fyrirspurnir er komu fram m.a. á stöðufundi, dags. 28.05.2021, og snúast um hæfi og upplýsingarétt kjörinna fulltrúa.

Lagt fram til kynningar.

Fyrir lá minnisblað, dags. 28.05.2021, frá atvinnu- og menningarstjóra og verkefnastjórum á sviði atvinnu- og menningarmála. Í minnisblaðinu er gerð grein fyrir fundum er staðið var að á vegum sviðsins með íbúum í öllum kjörnum sveitarfélagsins dagana 28., 29. og 30. apríl s.l.

Eftirfarandi tillaga lögð fram:
Byggðaráð Múlaþings þakkar það metnaðarfulla starf sem unnið er á sviði atvinnu- og menningarmála sveitarfélagsins. Ljóst er að þær upplýsingar sem fram koma í fyrirliggjandi minnisblaði eru til þess fallnar að móta framtíðarstefnu varðandi áherslur og forgangsröðun verkefna á sviðinu.