Heimastjórn Djúpavogs

Heimastjórn Djúpavogs harmar að enn á ný sé verið að fresta framkvæmdum við þennan mikilvæga veg. Vinna við heilsársveg á Öxi hefjist ekki að neinu marki fyrr en eftir 2030 og að einungis 25% af fjármagni í veginn komi inn á fyrsta áfanga samgönguáætlunar (2027-2029). Ekkert fé sé tilgreint á árinu 2030 og um 6,6 milljarðar færist á annað tímabil áætlunarinnar (2031-2035).

Þessi niðurstaða er algjörlega óásættanleg, vegurinn er fullhannaður, er einn hættulegasti vegkafli landsins og nauðsynleg tenging milli byggðarlaga í Múlaþingi og styttir hringveginn um tæpa 70 km. Einnig má benda á að umferð um þennan veg er sívaxandi - og mjór og hlykkjóttur malarvegur ber ekki lengur þá umferð sem fer um veginn á hverju ári og er oft meiri en um þjóðveg 1. Sennilega eru fáir malarvegir á landinu með meiri umferðarþunga en Axarvegur.

Heimastjórn krefst þess að nú þegar verði ráðist í framkvæmdir og að verkinu ljúki á fyrsta tímabili samgönguáætlunar eða fyrir árslok 2030.

Samþykkt samhljóða.

Í nýframlagri samgönguáætlun segir meðal annars:

"Ýmsar samfélagslegar breytingar á liðnum árum hafa aukið ákall og þörf á vetrarþjónustu. Dæmi um slíkt er sameining sveitarfélaga, sameining skóla, breytingar á vinnusóknarsvæðum og stóraukin ferðaþjónusta um land allt."

Heimastjórn telur einsýnt í ljósi þessara áherslna á aukna og bætta vetrarþjónustu, að skilyrðislaust eigi að koma á reglulegri vetrarþjónustu á Axarvegi. Hann verði nú þegar tekinn af G reglu Vegagerðarinnar og þjónustaður í samræmi vð þá miklu umferð sem um hann fer.

Samþykkt samhljóða.

Heimastjórn gerir ekki athugasemdir við að seiðataka fari fram á áðurgreindum forsendum, en mikilvægt er að allir landeigendur samþykki verkefnið. Um er er að ræða tilraunaverkefni til þriggja ára og að þeim tíma liðnum er áætlað að endurmeta stöðu verkefnisins.

Samþykkt samhljóða og vísað til Byggðaráðs

Heimastjórn felur starfsmanni að uppfæra áherslulista heimastjórnar í samræmi við stöðu verkefna og senda inn til áframhaldandi notkunar við gerð fjárhagsáætlunar Múlaþings.
Einnig þarf að skoða fjárhagsramma með tilliti til mönnunar í Íþróttamiðstöð Djúpavogs.

Samþykkt samhljóða.

Samþykkt samhljóða.

Rætt mögulegt samstarf ýmissa aðila á fullvinnslu matvæla, ásamt annarri nýsköpun úr vannýttu hráefni sem fellur til á Djúpavogi.

Starfsmanni falið að koma á framfæri athugasemdum við húsnæðisáætlun.

Eftirfarandi tillaga lögð fram:
Heimastjórn Djúpavogs samþykkir tillögu umhverfis- og framkvæmdaráðs. Umhverfis- og framkvæmdamálastjóra er falið að vinna málið áfram í samræmi við niðurstöður fjölskylduráðs, umhverfis- og framkvæmdaráðs og heimastjórnar Djúpavogs.
Fjármunir sem uppá vantar til að ljúka verkefninu verða færðir úr liðnum "Annað óskilgreint" í fjárfestingaráætlun.

Heimastjórn bendir á að hluti af þeim fjármunum sem áætlaðir eru í þetta verkefni sé ætlaður í rennibraut og leiktæki við laugina og því ekki hægt að nýta í áðurtalið verkefni eins heimastjórn bókaði á fundi sínum 10. apríl 2025.

Hafði heimastjórn áætlað að um 300.000 af þessum peningum færi í leiktæki og rennibraut.

Samþykkt samhljóða.