Heimastjórn Fljótsdalshéraðs

Hlusta

67. fundur 05. mars 2026 kl. 13:00 - 14:10 á skrifstofu sveitarfélagsins, Egilsstöðum

Nefndarmenn

Vilhjálmur Jónsson formaður
Björgvin Stefán Pétursson aðalmaður
Guðný Drífa Snæland varamaður

Starfsmenn

Óðinn Gunnar Óðinsson fulltrúi sveitarstjóra
Hlynur Jónsson verðandi sviðsstjóri stjórnsýslu

Fundargerð ritaði: Óðinn Gunnar Óðinsson fulltrúi sveitarstjóra og sviðsstjóri stjórnsýslu

1.Niðurfelling varnarlína vegna sauðfjársjúkdóma Jökuldalslína

Málsnúmer 202506070 Vakta málsnúmer

Fyrir liggur minnisblað, dagsett 19. janúar 2026, frá verkefnisstjóra umhverfismála, um niðurfellingu Jökuldalslínu, þar sem óskað er eftir afstöðu heimastjórnar til niðurfellingar girðingarinnar. Málið var síðast á dagskrá heimastjórnar 5. febrúar 2026. Á fundinn undir þessum lið mætir Þórey Birna Jónsdóttir, ritari Félags sauðfjárbænda á Héraði og fjörðum og Stefán Aspar Stefánsson, verkefnastjóri umhverfismála.

Guðný Drífa gerði grein fyrir hæfi sínu og óskaði eftir að víkja af fundi og var það samþykkt samhljóða með handauppréttingu.

Heimastjórn Fljótsdalshéraðs lýsir vonbrigðum með ferli málsins og að ekki hafi verið haft samráð við hagaðila og sveitarfélagið. Heimastjórn tekur undir sjónarmið bænda á svæðinu um að ákvörðun um niðurfellingu Jökuldalslínu verði endurskoðuð.

Samþykkt samhljóða með handauppréttingu.

2.Endurgerð Geitdalskofa

Málsnúmer 202602049 Vakta málsnúmer

Fyrir liggur erindi frá Þorvaldi P. Hjarðar og Magnúsi Karlssyni um lagfæringar á Geitdalskofa, sem er gangnamannakofi, þar sem óskað er eftir afstöðu sveitarfélagsins til viðhaldsframkvæmda "heimafólks" á gangnamannakofanum.

Heimastjórn Fljótsdalshéraðs fagnar frumkvæðinu og gerir ekki athugasemdir við að farið verði í viðhaldsframkvæmdir Geitdalskofa, eins og lýst er í erindinu.

Samþykkt samhljóða með handauppréttingu.

Fundi slitið - kl. 14:10.