Hreindýraveiði á Búlandsdal

Heimastjórn telur það mikilvægt að tryggja góða umgegni í og við Búlandsdal, þar sem um vatnsverndarsvæði er að ræða.
Því er nauðsynlegt að felld bráð á Búlandsdal skili sér úr dalnum samdægurs og að ekkert sé skilið þar eftir sem valdið geti mengun á svæðinu.

Heimastjórn heimilar notkun sexhjóla, tímabundið veiðitímabilið 2021, en krefst þess að svæðinu sé ekki spillt með jarðraski og hjólförum og að veiðimenn og leiðsögumenn leitist við að halda sig utan blautra og viðkvæmra svæða með hjólin.

Heimastjórn Djúpavogs mun endurskoða ákvörðun sína fyrir næsta tímabil og meta aðstæður. Einnig leggur Heimastjórn til að skoðaðir verði möguleikar á lagfæringu eldri slóða í Búlandsdal, ásamt lengingu hans. Slíkt myndi stuðla að verndun fólkvangsins og myndi nýtast veiðimönnum, útivistarfólki og öðrum.

Starfsmanni Heimastjórnar falið að fylgja málinu eftir.

Tekið fyrir að nýju erindi félags hreindýraveiðileiðsögumanna um notkun sexhjóla í Búlandsdal.

Heimastjórn samþykkir notkun sexhjóla til að sækja hreindýr á veiðislóð í Búlandsdal til eins árs líkt og síðasta ár. Heimastjórn vill þó benda á að tryggja þurfi góða umgengni í Búlandsdal, að ekki megi skilja hausa, skinn, bein eða annað sem mögulega gæti spillt vatnsbólum Djúpavogs eftir á svæðinu.

Einnig skulu notendur sexhjóla gæta þess að spilla sem minnst landi og gróðri á svæðinu. Ákvörðun þessi verður endurskoðuð að ári með tilliti til reynslu núverandi veiðitímabils.