Fara í efni

Tilkynning um fyrirhugaða niðurfellingu Eiðavegar af vegaskrá

Málsnúmer 202611039

Vakta málsnúmer

Umhverfis- og framkvæmdaráð Múlaþings - 199. fundur - 16.11.2026

Fyrir liggur tilkynning frá Vegagerðinni um fyrirhugaða niðurfellingu Eiðavegar Bs(9433-01) og Eiðavegar (9435-01) á Eiðum af vegaskrá frá og með næstu áramótum. Verði af breytingunni mun viðhald og þjónusta vegarins falla niður af hálfu Vegagerðarinnar. Ákvörðunin er byggð á ákvæðum vegalaga um að vegir innan þéttbýlismarka geti ekki flokkast sem héraðsvegir. Sveitarfélaginu er gefinn kostur á að gera athugasemdir við fyrirhugaða ákvörðun fyrir 25. nóvember 2026.
Eftirfarandi tillaga lögð fram:
Umhverfis- og framkvæmdaráð gerir athugasemd við fyrirhugaða niðurfellingu Eiðavegar af vegaskrá og mótmælir því að veghald verði fært til sveitarfélagsins án nánara samráðs og formlegrar afhendingar. Ráðið telur nauðsynlegt að Vegagerðin leggi mat á ástand vegarins og tryggi að fyrir liggi skýr niðurstaða um ábyrgð á tilheyrandi vegamannvirkjum og kostnaði áður en breyting á veghaldi tekur gildi. Umhverfis- og framkvæmdaráð óskar eftir því að frekari gögn og boð um samráð berist frá Vegagerðinni áður en niðurfelling kemst til framkvæmda. Sviðsstjóra framkvæmda falið að fylgja málinu eftir.

Samþykkt samhljóða.
Getum við bætt efni þessarar síðu?