Samráðshópur Múlaþings um málefni fatlaðs fólks

María Kristín Gylfadóttir frá NORTH Consulting ehf kynnti vinnu sem nú þegar er hafin við mótun fjölskyldustefnu Múlaþings í gegnum Teams.
Eftir kynninguna voru umræður og niðurstöður teknar saman um atrið sem samráshópurinn vill koma með inn í væntanlega fjölskyldustefnu. Niðurstöður verða sendar til Maríu.
Samráðshópur Múlaþings um málefni fatlaðs fólks hvetur sem flesta íbúa sveitarfélagsins til að mæta á stefnumótunarfundi sem haldnir verða í haust í tengslum við gerð fjölskyldustefnu Múlaþings.

Kynning á svæðisbundnu samráðsvettvangi gegn ofbeldi á Austurlandi. Fulltrúa frá samráðshóp Múlaþings um málefni fatlaðs fólks er boðið að taka þátt í samráðshópnum.
Samráðshópurinn leggur til að Fanney Sigurðardóttir verði fulltrúi hópsins.

Snædís Snorradóttir verkefnastjóri upplýsinga- og kynningarmála hjá Múlaþingi kynnti verkefnið Römpum upp Ísland og stöðu verkefnisins hjá Múlaþingi.

Guðbjörg Gunnarsdóttir kynnti erindi frá Landsamtökunum Þroskahjálp um verkefnið Sæti við borðið. Landssamtökin Þroskahjálp, Átak félag fólks með þroskahömlun og Fjölmennt standa fyrir fundi á Egilsstöðum 2. október í Sláturhúsi menningarsetri.
Hvatt er til að fatlað fólk sem hefur áhuga á að starfa í notendaráðum og öll þau sem bera ábyrgð á og/eða veita fötluðu fólki stuðning og þjónustu sérstaklega til að mæta á fundinn.