Samráðshópur Múlaþings um málefni fatlaðs fólks

Gengið var til kosninga, tillaga um að Unnur Ólöf Tómasdóttir verði formaður Samráðshópsins og Arnar Ágúst Sigríðarson varaformaður, þetta var samþykkt samhljóða. Umræða innan hópsins um hlutverk og starfið framundan. Starfsmanni falið að boða næsta fund samráðshóps fyrir áramót, kynna hlutverk samráðshóps og kanna möguleikann á að auglýsa eftir erindum fyrir fundi og möguleikann á að halda íbúafund.

Arnar Ágúst Sigríðarson óskaði eftir að málið yrði tekið fyrir en forfallaðist á seinustu stundu.

Kolbrún fór því yfir þau aðgengismál í opinberum stofnunum og annarra fyrirtækja á Seyðisfirði sem henni datt í hug.

Starfsmanni er falið að óska eftir nánari útlistunum í skriflegu formi og verður málið áfram í vinnslu innan samráðshóps Múlaþings um málefni fatlaðs fólks.