Sveitarstjórn Múlaþings

Til máls tóku: Jónína Brynjólfsdóttir, Berglind Harpa Svavarsdóttir, Vilhjálmur Jónsson, Ásrún Mjöll Stefánsdóttir, Dagmar Ýr Stefánsdóttir, Eyþór Stefánsson, Helgi Hlynur Ásgrímsson, Þröstur Jónsson, Einar Freyr Guðmundsson, Jónína Brynjólfsdóttir og Þröstur Jónsson.

Eftirfarandi tillaga lögð fram:
Bæjarráð Fjarðabyggðar og sveitarstjórn Múlaþings lýsa yfir gríðarlegum vonbrigðum með samgönguáætlun ríkisstjórnarinnar og þá köldu kveðju sem hún felur í sér fyrir fjórðunginn. Ljóst er að Austurland er sett í frost.
Breytingar á samgönguáætlun verða að byggja á faglegum forsendum og vönduðum rökum. Hún er lykiltæki til að tryggja gagnsæi og fyrirsjáanleika í innviðauppbyggingu. Framþróun sveitarfélaga má ekki ráðast af mismunandi pólitískum áherslum ráðherra hverju sinni. Trúverðug forgangsröðun er forsenda þess að sveitarfélög og atvinnulíf geti skipulagt uppbyggingu til lengri tíma.
Að engar stórar framkvæmdir skuli vera á fyrsta tímabili fyrir Austurland er óásættanlegt. Slík niðurstaða gengur þvert á gefin fyrirheit um að hækkun veiðigjalda myndi skila sér aftur til samfélaganna og skapa fjárhagslegt svigrúm til innviðafjárfestinga. Austurland er næst í röð jarðgangaverkefna og ólíðandi er að horfa fram hjá þeirri staðreynd.
Bæjarráð Fjarðabyggðar og sveitarstjórn Múlaþings krefjast þess að Alþingi taki tillögu að samgönguáætlun til heildstæðrar endurskoðunar og tryggi Austurlandi réttmæta og sanngjarna hlutdeild í framkvæmdum á fyrsta tímabili hennar.
Enn fremur krefst sveitarstjórn Múlaþings þess að ekki verði vikið frá forgangsröð gildandi samgönguáætlunar og strax verði farið í útboð og framkvæmdir við Fjarðarheiðargöng.
Þess er einnig krafist að Axarvegur verið tekinn af lista yfir samvinnuverkefni og að framkvæmdum á þeim vegi verði flýtt. Í ljósi áherslna á aukna vetrarþjónustu fer sveitarstjórn fram á að vegurinn verði nú þegar tekinn af G-reglu Vegagerðarinnar og verði þjónustaður í samræmi við þá miklu umferð sem um hann fer.
Mikilvægt er að tryggja aukið fjármagn í framkvæmdir við Egilsstaðaflugvöll í samræmi við flugstefnu Íslands og markmið um flugöryggi á flugumsjónarsvæðinu við Ísland. Þá eru mikil vonbrigði að sjá hafnarframkvæmdum á Seyðisfirði frestað og að ríkið ætli að lækka framlag sitt til þeirra framkvæmda úr 60% í 40%.
Sveitarstjórn Múlaþings telur ríkisstjórnina sýna sveitarfélögunum á Austurlandi bæði vanvirðingu og tómlæti sem ekki verður við unað með framlagðri samgönguáætlun. Samstöðu landshlutans sem birtist í Svæðisskipulagi Austurlands og bókunum SSA er gefið langt nef.
Allir flokkar sem að ríkisstjórninni standa svíkja fyrri loforð sín og brjóta þannig niður það traust sem á að vera grundvöllur samstarfs ríkis og sveitarfélaga. Slíkt verklag er óboðlegt og óásættanlegt.
Sveitarstjóra falið að koma bókuninni á framfæri við alþingismenn, forsætisráðherra, innviðaráðherra og fjármálaráðherra.

Samþykkt samhljóða með handauppréttingu.

Til máls tóku: Dagmar Ýr Stefánsdóttir, Berglind Harpa Svavarsdóttir og Helgi Hlynur Ásgrímsson.

Eftirfarandi tillaga lögð fram:
Sveitarstjórn samþykkir framlagða fjárhagsáætlun Múlaþings fyrir árið 2026 við seinni umræðu, ásamt þriggja ára áætlun 2027 - 2029. Fyrri umræða um fjárhagsáætlunina fór fram 12. nóvember sl.

Samþykkt með tíu atkvæðum, einn sat hjá (ÞJ)

Eftirfarandi tillaga lögð fram:
Sveitarstjórn Múlaþings tekur undir þær spurningar sem skólanefnd Menntaskólans á Egilsstöðum setti fram í opnu bréfi til mennta- og barnamálaráðherra varðandi breytingar á þeirri hefð að bjóða sitjandi skólameistara að halda áfram störfum áður en skipunartími rennur út. Sé ætlunin að breyta þessu kerfi þá þarf það að gilda fyrir alla skólameistara framhaldsskóla og hefði verið eðlilegt að tilkynna um þessar breytingar með fyrirvara. Þá var ólíðandi að skólameistari ME skyldi frétta af þessum breytingum á hans högum í útvarpsfréttum. Sveitarstjórn Múlaþings leggur á það ríka áherslu að Menntaskólinn á Egilsstöðum verði áfram sjálfstæð stofnun og að fyrirhugaðar breytingar á framhaldsskólakerfinu verði ekki til þess að draga úr umfangi eða fækka fólki sem starfar í framhaldsskólum á landsbyggðinni. Sveitarstjórn Múlaþings vill beina því til staðgengils ráðherra að bregðast við opnu bréfi skólanefndar ME og óskar eftir afriti af svörunum enda brenna sömu spurningar á sveitarstjórnarfulltrúum. Sveitarstjóra falið að koma bókuninni á framfæri við mennta- og barnamálaráðherra.

Samþykkt samhljóða með handauppréttingu.

Eftirfarandi tillaga lögð fram:
Sveitarstjórn Múlaþings staðfestir eftirfarandi gjaldskrár:
Gjaldskrá Minjasafns Austurlands, Gjaldskrá Bókasafns Múlaþings, Gjaldskrá fyrir íþróttamannvirki í Múlaþingi, Gjaldskrá Tónlistarskólans á Egilsstöðum og í Fellabæ, Gjaldskrá Tónlistarskóla Norður Héraðs, Gjaldskrá Tónlistarskólans á Djúpavogi, Gjaldskrá Listadeildar Seyðisfjarðarskóla, Gjaldskrá grunnskóla í Múlaþingi, Gjaldskrá leikskólans í Brúarási í Múlaþingi, Gjaldskrá leikskóla í Múlaþingi, Gjaldskrá fyrir meðhöndlun og förgun úrgangs í Múlaþingi, Gjaldskrá fyrir stuðningsþjónustu í Múlaþingi samkvæmt lögum um félagsþjónustu sveitarfélaga, Gjaldskrá fyrir akstursþjónustu fyrir fatlað fólk í Múlaþingi, Gjaldskrá fyrir Sumarfrístund í Múlaþingi, Gjaldskrá fyrir frístundaheimilið Sólina.

Samþykkt samhljóða með handauppréttingu.

Til máls tók: Helgi Hlynur Ásgrímsson.

Eftirfarandi tillaga lögð fram:
Sveitarstjórn Múlaþings staðfestir, í samræmi við 1. mgr. 32. gr. skipulagslaga nr. 123/2010, fyrirliggjandi tillögu að breytingu á Aðalskipulagi Fljótsdalshéraðs 2008-2028 vegna Gilsársvirkjunar. Jafnframt samþykkir sveitarstjórn fyrirliggjandi drög að umsögnum um athugasemdir sem bárust á auglýsingatíma tillögunnar og felur skipulagsfulltrúa að koma þeim á framfæri.

Samþykkt með níu atkvæðum, tveir sátu hjá (HHÁ,ÁMS)

Til máls tóku: Helgi Hlynur Ásgrímsson og Jónína Brynjólfsdóttir

Eftirfarandi tillaga lögð fram:
Sveitarstjórn Múlaþings samþykkir að vísa málinu til frekari vinnslu hjá byggðaráði og til kynningar hjá umhverfis- og framkvæmdaráði.

Samþykkt samhljóða með handauppréttingu.

Eftirfarandi tillaga lögð fram:
Sveitarstjórn Múlaþings samþykkir fyrirliggjandi reglur til náms, verkfæra- og tækjakaupa fatlaðs fólks hjá Múlaþingi.

Samþykkt samhljóða með handauppréttingu.

Eftirfarandi tillaga lögð fram:
Sveitarstjórn samþykkir fyrirliggjandi reglur Múlaþings um akstursþjónustu fyrir fatlað fólk.

Samþykkt samhljóða með handauppréttingu.

Eftirfarandi tillaga lögð fram:
Sveitarstjórn samþykkir fyrirliggjandi tillögur að stefnu um þjónustustig í byggðum Múlaþings og felur skrifstofustjóra að sjá til þess að samþykkt þjónustustefna verði birt á heimasíðu sveitarfélagsins.

Samþykkt samhljóða með handauppréttingu.

Sveitarstjórn Múlaþings samþykkir fyrirliggjandi fundardagatal sveitarstjórnar og fastanefnda janúar til maí 2026 og felur skrifstofustjóra að sjá til þess að það verði birt á heimasíðu sveitarfélagsins.

Samþykkt samhljóða með handauppréttingu.

Til máls tóku: Vegna liðar 9, Ívar Karl Hafliðason, Eyþór Stefánsson og Ívar Karl Hafliðason.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Til máls tóku: Vegna liðar 4, Ásrún Mjöll Stefánsdóttir sem bar upp fyrirspurn, Berglind Harpa Svavarsdóttir sem kom til svara, Ívar Karl Hafliðason og Helgi Hlynur Ásgrímsson.
Vegna liðar 6, Ásrún Mjöll Svavarsdóttir sem bar upp fyrirspurn, Berglind Harpa Svavarsdóttir er kom til svara, Þröstur Jónsson, Ásrún Mjöll Stefánsdóttir til andsvara, Vilhjálmur Jónsson, Helgi Hlynur Ásgrímsson og Þröstur Jónsson með andsvar.

Lagt fram til kynningar.

Lagt fram til kynningar.

Til máls tók: Vegna liðar 2, Eyþór Stefánsson.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Til máls tók: Vegna liðar 4, Ásrún Mjöll Stefánsdóttir, Helgi Hlynur Ásgrímsson og Þröstur Jónsson.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.