Gilsárvirkjun

Undir þessum lið vakti Þórhallur Borgarson máls á mögulegu vanhæfi sínu sem einn landeiganda að Ormsstöðum 1. Formaður bar upp tillögu þess efnis og var hún samþykkt samhljóða með 7 atkvæðum. ÞB vék af fundi við umfjöllun og afgreiðslu málsins.

Ásdís Hafrún Benediktsdóttir vakti þá máls á mögulegu vanhæfi sínu vegna vensla við landeigendur og ábúendur á Gilsárteigi. Formaður bar upp tillögu þess efnis og var hún samþykkt samhljóða með 6 atkvæðum. ÁHB vék af fundi við umfjöllun og afgreiðslu máls.


Fyrir umhverfis- og framkvæmdaráði liggur minnisblað dagsett 18. ágúst 2023 frá EFLU fyrir hönd Orkusölunnar ehf. þar sem óskað er eftir heimild sveitarfélagsins til að vinna breytingu á Aðalskipulagi Fljótsdalshéraðs 2008-2028 vegna fyrirhugaðra áforma um byggingu 6,7 MW vatnsaflsvirkjunar ofarlega í Gilsá í Eiðaþinghá.

Starfsmenn EFLU fylgdu minnisblaðinu eftir á fundinum.

Eftirfarandi tillaga lögð fram:
Umhverfis- og framkvæmdaráð samþykkir að heimila málsaðila að láta vinna skipulagslýsingu vegna breytingar á Aðalskipulagi Fljótsdalshéraðs 2008-2028 vegna fyrirhugaðra áforma um byggingu 6,7 MW vatnsaflsvirkjunar ofarlega í Gilsá í Eiðaþinghá. Lýsingin verður lögð fyrir ráðið þegar hún liggur fyrir.

Samþykkt samhljóða.

Við upphaf máls vöktu ÞB og ÁHB máls á vanhæfi sínu við afgreiðslu málsins. Formaður úrskurðaði um augljóst vanhæfi ÞB og ÁHB með vísan í fyrri atkvæðagreiðslu um vanhæfi þeirra á 94. fundi umhverfis- og framkvæmdaráðs við sama mál. Véku þau af fundi við umræðu og afgreiðslu málsins.
Fyrir umhverfis- og framkvæmdaráði liggur skipulags- og matslýsing, dags. 5. október 2023, vegna breytinga á Aðalskipulagi Fljótsdalshéraðs 2008-2028 og nýs deiliskipulags fyrir vatnsaflsvirkjun í Gilsárdal í Múlaþingi.

Eftirfarandi tillaga lögð fram:
Umhverfis- og framkvæmdaráð samþykkir að leggja til við sveitarstjórn að fyrirliggjandi skipulags- og matslýsing verði kynnt í samræmi við 1. mgr. 30. gr. skipulagslaga nr. 123/2010.
Umhverfis- og framkvæmdaráð bendir þó á bókanir byggðaráðs frá 28. febrúar og sveitarstjórnar frá 15. mars þessa árs en þar kemur fram: Með vísan til bókunar byggðaráðs Múlaþings, dags. 28.02.23, og stjórnar Samtaka stjórnar orkusveitarfélaga, dags. 17.02.23, samþykkir sveitarstjórn Múlaþings að staldra við í skipulagsmálum mögulegra virkjana þar til sanngjörn skipting auðlindarinnar verður fest í lög.

Samþykkt samhljóða.

Fyrir liggur bókun frá fundi umhverfis- og framkvæmdaráðs, dags. 06.11.2023, varðandi tillögu er varðar breytingar á aðalskipulagi Fljótsdalshéraðs 2008 -2028.

Undir þessum lið vakti Benedikt Warén máls á hugsanlegu vanhæfi sínu vegna tengsla. Forseti bar upp vanhæfistillögu sem var samþykkt með 10 atkvæðum einn sat hjá (BVW)
Benedikt vék af fundi undir þessum lið en sat fundinn undir öðrum liðum.

Til máls tóku: Helgi Hlynur Ásgrímsson, Hyldur Þórisdóttir með fyrispurn,Jónína Brynjólfs sem svaraði fyrirspurn Hildar, Ívar Karl Hafliðason, Ásrún Mjöll Stefánsdóttir og Helgi Hlynur Ásgrímsson.

Við fundarstjórn tók Hildur þórisdóttir á meðan Jónína Brynjólfs tók til máls undir þessu máli.

Eftirfarandi tillaga lögð fram:
Að tillögu umhverfis- og framkvæmdaráðs samþykkir sveitarstjórn Múlaþings að fyrirliggjandi skipulags- og matslýsing vegna breytinga á Aðalskipulagi Fljótsdalshéraðs 2008-2028 og nýs deiliskipulags fyrir vatnsaflsvirkjun í Gilsárdal í Múlaþingi verði kynnt í samræmi við 1. mgr. 30. gr. skipulagslaga nr. 123/2010. Skipulagsfulltrúa falin framkvæmd málsins. Við endanlega afgreiðslu málsins skal horft til þess að tekin hafi verið afstaða til þess að sanngjörn gjöld af nýtingu auðlindarinnar er tengjast mögulegum virkjunum hafi verið fest í lög.

Samþykkt samhljóða með handauppréttingu.

Í upphafi fundar vakti Þórhallur Borgarson athygli á vanhæfi sínu og var það samþykkt samhljóða.
Ásdís Hafrún Benediktsdóttir vakti líka athygli á vanhæfi sínu og var það samþykkt samhljóða.
Þau viku af fundi undir þessum lið.

Umhverfis- og framkvæmdaráð samþykkir fyrirliggjandi skipulagstillögu og leggur til við sveitarstjórn að málsmeðferð verði í samræmi við 1. málsgrein 36. greinar skipulagslaga nr.123/2010.
Verði tillagan samþykkt í sveitarstjórn fer hún í kynningu og til umsagnar hjá umsagnaraðilum.

Samþykkt samhljóða.

Við upphaf fundar undir þessum lið vakti Ásdís Hafrún Benediktsdóttir á mögulegu vanhæfi sýnu vegna tengsla við landeiganda. Tillagan var borin upp og samþykkt með 10 atkvæðum, einn á móti (ÞJ) samhljóða. Ásdís vék af fundi undir umfjöllun og afgreiðslu málsins.

Eftirfarandi tillaga lögð fram:
Að tillögu umhverfis- og framkvæmdaráðs samþykkir sveitarstjórn Múlaþings að fyrirliggjandi vinnslutillaga vegna breytinga á Aðalskipulagi Fljótsdalshéraðs 2008-2028 fyrir vatnsaflsvirkjun í Gilsárdal verði kynnt í samræmi við 2. mgr. 30. gr. skipulagslaga nr. 123/2010. Skipulagsfulltrúa falin framkvæmd málsins.

Samþykkt samhljóða með handauppréttingu

Mál áfram í vinnslu.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagstillögu og leggur til við byggðaráð, sem fer með heimild til fullnaðarafgreiðslu mála í sumarleyfi sveitarstjórnar, að hún verði auglýst í samræmi við 31. gr. skipulagslaga nr. 123/2010.

Samþykkt samhljóða.

Eftirfarandi tillaga lögð fram:
Að tillögu umhverfis- og framkvæmdaráðs samþykkir byggðaráð Múlaþings, sem fer með fullnaðarafgreiðslu sveitarstjórnar í sumarleyfi sveitarstjórnar sbr. bókun sveitarstjórnar frá 11. júní 2025, fyrirliggjandi skipulagstillögu og að hún verði auglýst í samræmi við 31. gr. skipulagslaga nr. 123/2010.

Samþykkt samhljóða án atkvæðagreiðslu.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagstillögu og vísar henni til staðfestingar hjá sveitarstjórn í samræmi við 32. gr. skipulagslaga nr. 123/2010.

Samþykkt samhljóða.