Fara í efni

Sveitarstjórn Múlaþings

6. fundur 13. janúar 2021 kl. 14:00 - 17:25 í fjarfundi
Nefndarmenn
  • Gauti Jóhannesson forseti
  • Stefán Bogi Sveinsson 1. varaforseti
  • Hildur Þórisdóttir 2. varaforseti
  • Berglind Harpa Svavarsdóttir aðalmaður
  • Kristjana Sigurðardóttir aðalmaður
  • Jódís Skúladóttir aðalmaður
  • Þröstur Jónsson aðalmaður
  • Elvar Snær Kristjánsson aðalmaður
  • Vilhjálmur Jónsson aðalmaður
  • Eyþór Stefánsson aðalmaður
  • Jakob Sigurðsson aðalmaður
Starfsmenn
  • Stefán Snædal Bragason bæjarritari
  • Björn Ingimarsson sveitarstjóri
  • Haddur Áslaugsson starfsmaður
Fundargerð ritaði: Stefán Snædal Bragason bæjarritari

1.Fjármál 2021

Málsnúmer 202101001Vakta málsnúmer

Byggðaráð hefur fjallað um uppgjör Múlaþings fyrir árin 2020 til 2022 og val á endurskoðendum til að vinna að því verkefni.

Eftirfarandi tillaga lögð fram:
Að tillögu byggðaráðs samþykkir sveitarstjórn að samið verði við KPMG endurskoðun um það verk.

Samþykkt samhljóða án atkvæðagreiðslu.

2.Kosning fulltrúa í embætti, stjórnir og nefndir

Málsnúmer 202010012Vakta málsnúmer

Fyrir fundinum lá að kjósa þarf þrjá aðalmenn og þrjá til vara frá sveitarstjórn í Samráðshóp Múlaþings um málefni fatlaðs fólks.

Til máls tók: Jódís Skúladóttir.

Eftirfarandi tillag lögð fram:

Aðalmenn: Fanney Sigurðardóttir, Guðný Margrét Hjaltadóttir og Stefán Bogi Sveinsson

Varamenn: Halla Sigrún Sveinbjörnsdóttir, Elvar Snær Kristjánsson og Vilhjálmur Jónsson

Samþykkt samhljóða án atkvæðagreiðslu.

Auk þessara fulltrúa hafa eftirfarandi fulltrúar hagsmunasamtaka verið skipaðir í samráðshópinn.

Aðalmenn:
Arnar Klemensson, Matthías Þór Sverrisson og María Sverrisdóttir.

Varamenn:
Jónína Bára Benediktsdóttir, Karl Sveinsson og Sjöfn Sigurðardóttir.


Stefán Bogi Sveinsson lagði fram eftirfarandi tillögu fyrir hönd B-listans:

Sveitarstjórn samþykkir að skipa Gunnhildi Ingvarsdóttur sem varafulltrúa B-lista í fjölskylduráð í stað Helgu Erlu Erlendsdóttur.

Samþykkt samhljóða án atkvæðagreiðslu.

3.Erindisbréf nefnda

Málsnúmer 202010419Vakta málsnúmer

Fyrir liggja drög að erindisbréfum fyrir Öldungaráð Múlaþings og Samráðshóp Múlaþings um málefni fatlaðs fólks.

Til máls tóku: Eyþór Stefánsson, sem bar fram fyrirspurn. Björn Ingimarsson, sem svaraði fyrirspurn. Kristjana Sigurðardóttir, Berglind Harpa Svavarsdóttir og Stefán Bogi Sveinsson.

Eftirfarandi tillaga lögð fram:
Sveitarstjórn samþykkir fyrirliggjandi erindisbréf og felur starfsmönnum að birta þau á heimasíðu sveitarfélagsins.

Samþykkt samhljóða án atkvæðagreiðslu.

4.Reglur Múlaþings um rafræna vöktun öryggismyndavéla

Málsnúmer 202101043Vakta málsnúmer

Fyrir liggja til afgreiðslu Reglur Múlaþings um rafræna vöktun öryggismyndavéla.
Til máls tók: Jódís Skúladóttir.

Eftirfarandi tillaga lögð fram:
Sveitarstjórn samþykkir framlagðar reglur og felur starfsmönnum að birta þær á heimasíðu sveitarfélagsins.

Samþykkt samhljóða án atkvæðagreiðslu

5.Seyðisfjörður - Vesturvegur 4, óveruleg breyting á aðalskipulagi

Málsnúmer 202010490Vakta málsnúmer

Samhliða grenndarkynningu á fyrirhuguðum byggingaráformum á Vesturvegi 4,Seyðisfirði, hefur borist athugasemd varðandi málsmeðferð við óverulega breytingu á aðalskipulagi Seyðisfjarðar sem staðfest var af Skipulagsstofnun þann 24.9.2020.

Til máls tóku: Stefán Bogi Sveinsson, Elvar Snær Kristjánsson, Jódís Skúladóttir, Hildur Þórisdóttir, Þröstur Jónsson, Vilhjálmur Jónsson og Stefán Bogi Sveinsson.

Eftirfarandi tillaga lögð fram.
Að tillögu umhverfis- og framkvæmdaráðs Múlaþings samþykkir sveitarstjórn Múlaþings að afturkalla óverulega breytingu á aðalskipulagi vegna fyrirhugaðra byggingaráforma á Vesturvegi 4 á Seyðisfirði. Skipulagsfulltrúa Múlaþings er falið að auglýsa fyrirhugaða breytingu sem aðalskipulagsbreytingu í samræmi við 1. mgr. 36.gr. skipulagslaga.

Samþykkt samhljóða án atkvæðagreiðslu.

6.Skriðuföll á Seyðisfirði

Málsnúmer 202012168Vakta málsnúmer

Í bókun sveitarstjórnar Múlaþings 6. janúar sl. kom fram að hún heimilar ekki endurbyggingu húsa á tilgreindum lóðum á Seyðisfirði, fyrr en hættumat liggur fyrir og gerðar hafa verið fullnægjandi ráðstafanir í ofanflóðavörnum fyrir umræddar lóðir.
Fram hafa komið athugasemdir við áður samþykktan lóðalista og er hann hér lagður fram öðru sinni með áorðnum breytingum.

Til máls tóku: Þröstur Jónsson, Hildur Þórisdóttir, Stefán Bogi Sveinsson, Elvar Snær Kristjánsson, Eyþór Stefánsson, sem bar fram fyrirspurn, Þröstur Jónsson, Hildur Þórisdóttir, Berglind Harpa Svavarsdóttir, Björn Ingimarsson, sem svaraði fyrirspurn, Stefán Bogi Sveinsson, Elvar Snær Kristjánsson, Jakob Sigurðsson og Vilhjálmur Jónsson.

Eftirfarandi tillaga lögð fram:
Sveitarstjórn Múlaþings heimilar ekki endurbyggingu húsa á eftirtöldum lóðum á Seyðisfirði, fyrr en hættumat liggur fyrir og gerðar hafa verið fullnægjandi ráðstafanir í ofanflóðavörnum fyrir umræddar lóðir.

Altjón.

Íbúðarhúsnæði:
Breiðablik Austurvegur 38a
Framhúsið Hafnargata 6
Berlín Hafnargata 24
Dagsbrún Hafnargata 26
Sandfell Hafnargata 32

Annars konar húsnæði:
Fjárhús Hafnargata 16 d
Silfurhöllin Hafnargata 28
Turninn Hafnargata 34
Skipasmíðastöðin Hafnargata 29
Gamla skipasmíðastöðin Hafnargata 31
Tækniminjasafnið Hafnargata 38 a

Samþykkt samhljóða án atkvæðagreiðslu.

7.Tillaga að friðlýsingu verndarsvæðis norðan Dyrfjalla og náttúruvættisins Stórurðar.

Málsnúmer 202010446Vakta málsnúmer

Fyrir liggur tillaga að friðlýsingu verndarsvæðis norðan Dyrfjalla og náttúruvættisins Stórurðar.

Til máls tóku: Jakob Sigurðsson, Þröstur Jónsson, Stefán Bogi Sveinsson, Jakob Sigurðsson, Jódís Skúladóttir, Eyþór Stefánsson, Vilhjálmur Jónsson, Þröstur Jónsson, Jakob Sigurðsson, Elvar Snær Kristjánsson og Stefán Bogi Sveinsson.

Eftirfarandi tillaga lögð fram:
Sveitarstjórn tekur undir með heimastjórn Fljótsdalshéraðs og gerir ekki athugasemd við fyrirliggjandi tillögu að friðlýsingu verndarsvæðis norðan Dyrfjalla og náttúruvættisins Stórurðar og samþykkir hana fyrir sitt leyti.
Sveitarstjórn óskar jafnframt eftir því að Múlaþing fari með umsjón og rekstur svæðisins.

Samþykkt samhljóða án atkvæðagreiðslu.

Þröstur Jónsson gerði grein fyrir atkvæði sínu.

8.Aðalskráning fornminja í sameinuðu sveitarfélagi

Málsnúmer 202101011Vakta málsnúmer

Fyrir liggur erindi Fornleifastofnunnar Íslands varðandi aðalskráningu fornminja í sameinuðu sveitarfélagi, þar sem stofnunin óskar eftir viðræðum við Múlaþing um þetta verkefni.

Eftirfarandi tillaga lögð fram:
Sveitarstjórn Múlaþings samþykkir að vísa erindi Fornleifastofnunar Íslands til umhverfis- og framkvæmdaráðs Múlaþings til frekari úrvinnslu og afgreiðslu.

Samþykkt samhljóða án atkvæðagreiðslu.

9.Svæðisskipulagsnefnd sveitarfélaganna á Austurlandi

Málsnúmer 202012075Vakta málsnúmer

Fyrir lá erindi frá Sambandi sveitarfélaga á Austurlandi, dags. 07.12.20, þar sem fram kom m.a. að óskað er eftir staðfestingu sveitarfélagsins á breyttum starfsreglum svæðisskipulagsnefndar Austurlands. Breytingar eru annars vegar vegna sameiningar sveitarfélaga á svæðinu og hins vegar snúa þær að umsjón með þeirri vinnu sem fram undan er.

Eftirfarandi tillaga lögð fram:
Að tillögu byggðaráðs Múlaþings samþykkir sveitarstjórn fyrirliggjandi tillögur að starfsreglum fyrir svæðisskipulagsnefnd sveitarfélaganna á Austurlandi.

Samþykkt samhljóða án atkvæðagreiðslu.

10.Erindi vegna listasafns fyrir alþjóðlega myndlist - Vogaland 5 Djúpavogi

Málsnúmer 202012050Vakta málsnúmer

Fyrir lá erindi frá Sigurði Guðmundssyni og Þór Vigfússyni varðandi húsnæði á Djúpavogi fyrir safn fyrir alþjóðlega myndlist. Erindið er stílað á sveitarstjórn Múlaþings.

Til máls tóku: Stefán Bogi Sveinsson, Jódís Skúladóttir, Elvar Snær Kristjánsson, Hildur Þórisdóttir og Þröstur Jónsson.

Eftirfarandi tillaga lögð fram.
Sveitarstjórn Múlaþings vísar erindinu til byggðaráðs Múlaþings til frekari vinnslu.

Samþykkt samhljóða án atkvæðagreiðslu.

11.Áskorun varðandi framboð grænkerafæðis í skólum

Málsnúmer 202101005Vakta málsnúmer

Fyrir fundinum lá áskorun til sveitarfélaga um skýr markmið varðandi framboð grænkerafæðis í skólum, ásamt sambærilegri áskorun til allra leik- og grunnskóla landsins, frá samtökum grænkera á Íslandi.

Til máls tóku: Þröstur Jónsson, Jódís Skúladóttir, Stefán Bogi Sveinsson, Elvar Snær Kristjánsson, Jakob Sigurðsson, Kristjana Sigurðardóttir, Þröstur Jónsson, Stefán Bogi Sveinsson og Hildur Þórisdóttir.

Eftirfarandi tillaga lögð fram:
Sveitarstjórn Múlaþings vísar fyrirliggjandi áskorun varðandi framboð grænkerafæðis í skólum til fjölskylduráðs Múlaþings til skoðunar og frekari vinnslu.

Samþykkt með 10 atkvæðum en 1 var á móti (ÞJ)

12.Umsagnarbeiðni um frumvarp til laga um Hálendisþjóðgarð, 369. mál

Málsnúmer 202012144Vakta málsnúmer

Fyrir lá umsagnarbeiðni um frumvarp til laga um Hálendisþjóðgarð, 369. mál, frá nefndasviði Alþingis.

Til máls tóku: Jódís Skúladóttir, sem lagði fram breytingartillögu við fyrir liggjandi tillögu. Stefán Bogi Sveinsson, Þröstur Jónsson, Jódís Skúladóttir, Stefán Bogi Sveinsson, Eyþór Stefánsson, Jódís Skúladóttir og Hildur Þórisdóttir.

Eftirfarandi breytingartillaga Jódísar lögð fram:
Sveitarstjórn Múlaþings telur að þegar horft er til hálendisins megi taka undir þau markmið sem sett eru fram í 3. gr. frumvarpsins, þar sem meðal annars er lögð áhersla verndun náttúru og sögu, bætt aðgengi almennings, eflingu rannsókna, aukið samstarf og eflingu og styrkingu byggða og atvinnulífs.
Sveitarstjórn vekur athygli á skipulagsvaldi sveitarfélaga og mikilvægi þess að það verði virt innan áformaðs Hálendisþjóðgarðs.
Þá telur sveitarstjórn að þó að reynsla af rekstri Vatnajökulsþjóðgarðs sé um margt ágæt, þá hafi framan af skort verulega á að fjármagn hafi fylgt nauðsynlegri starfsemi og uppbyggingu innviða. Á liðnum þremur árum hefur orðið mikil bót á því, ráðist hefur verið í nauðsynlega uppbyggingu innviða og heilsársstöðum í Vatnajökulsþjóðgarði fjölgað verulega ? nær öllum utan höfuðborgarsvæðisins. Sveitarstjórn Múlaþings leggur ríka áherslu á að störf vegna umsjón friðlýstra svæða séu heima í héraði og að fjármögnun fylgi friðlýsingum frá fyrsta degi.
Sveitarstjórn Múlaþings vill einnig benda á að styrking flutningskerfis raforku, einkum með endurnýjun byggðarlínu og hringtengingar um landið, er mikilvægt verkefni til að styðja við atvinnuuppbyggingu og byggðaþróun á Austurlandi. Slíkar flutningslínur verða að liggja sunnan eða norðan Vatnajökuls, á svæði innan þjóðgarðs og er nauðsynlegt að gert verði ráð fyrir þessum möguleika í regluverki sem gildir um þjóðgarða á þessu svæði.
Sveitarstjórn vekur sérstaka athygli á því að í framlögðu frumvarpi ná þjóðgarðsmörk eingöngu til þeirra svæða þar sem endanleg niðurstaða er komin í þjóðlendumörkum. Í ljósi þess að ríkið hefur nú þegar forræði að verulegu leyti á því landi sem um ræðir á hálendi Austurlands þar sem á eftir að ljúka vinnu við þjóðlendumörk á austursvæði, þá leggur sveitarstjórn áherslu á að þeirri vinnu verði hraðað sem kostur er svo hægt verði að taka frekari afstöðu til mála er varðar möguleg mörk hálendisþjóðgarðs á hálendi Austurlands sem snýr að Múlaþingi.

1 greiddi henni atkvæði (Jó.S.) 3 sátu hjá ( HÞ. KS. ES.)og 7 voru á móti.


Eftirfarandi tillaga lögð fram:
Sveitarstjórn Múlaþings telur að þegar horft er til hálendisins megi taka undir þau markmið sem sett eru fram í 3. gr. frumvarpsins, þar sem meðal annars er lögð áhersla verndun náttúru og sögu, bætt aðgengi almennings, eflingu rannsókna, aukið samstarf og eflingu og styrkingu byggða og atvinnulífs. Það er hins vegar mat sveitarstjórnar að stofnun þjóðgarðs í þeirri mynd sem gert er ráð fyrir í frumvarpinu sé ótímabær og lýsir sveitarstjórn því andstöðu sinni við að það verði samþykkt.
Sveitarstjórn telur að með stjórnunar- og verndaráætlunum þjóðgarða sé of langt gengið í því að takmarka skipulagsvald sveitarfélaga. Þó svo að meirihluti fulltrúa í umdæmisráðum komi úr sveitarfélögum á viðkomandi rekstrarsvæði þá er eftir sem áður gert ráð fyrir því að fulltrúar annarra sveitarfélaga og félagasamtaka geti tekið bindandi skipulagsákvarðanir innan sveitarfélags þó svo að fulltrúar þess sveitarfélags leggist gegn því.
Þá telur sveitarstjórn að þó að reynsla af rekstri Vatnajökulsþjóðgarðs sé um margt ágæt, þá sé langur vegur frá því að ríkisvaldið hafi fjármagnað starfsemi hans með fullnægjandi hætti eða staðið við þau fyrirheit um uppbyggingu innviða sem fylgja áttu í kjölfar stofnunar hans. Að mati sveitarstjórnar Múlaþings er það ærið og metnaðarfullt verkefni að byggja Vatnajökulsþjóðgarð upp með fjölgun starfa og auknum tækifærum í atvinnustarfsemi. Ekki verður séð að það hjálpi til við það verkefni að láta hann falla inn í ennþá stærri þjóðgarð.
Sveitarstjórn Múlaþings vill einnig benda á að styrking flutningskerfis raforku, einkum með endurnýjun byggðarlínu og hringtengingar um landið, er mikilvægt verkefni til að styðja við atvinnuuppbyggingu og byggðaþróun á Austurlandi. Slíkar flutningslínur verða að liggja sunnan eða norðan Vatnajökuls, á svæði innan þjóðgarðs og er nauðsynlegt að gert verði ráð fyrir þessum möguleika í regluverki sem gildir um þjóðgarða á þessu svæði.
Sveitarstjórn Múlaþings vill og benda á að allt það land sem ekki er þegar friðlýst og stefnt er á að verði innan hins nýja þjóðgarðs eru þjóðlendur sem íslenska ríkið fer þegar með forræði á. Vekur sveitarstjórn sérstaklega athygli á því að enn hefur ekki verið fjallað um þjóðlendumörk innan miðhálendislínu í Suður-Múlasýslu og því er nokkur óvissa um fyrirhuguð þjóðgarðsmörk á því svæði..
Í ljósi þess að ríkið hefur nú þegar forræði á megninu á því landi sem um ræður telur sveitarstjórnin hins vegar nærtækt að ríkisvaldið setji aukinn kraft í umsjón þessara landsvæða og minnir á að stofnun þjóðgarðs er ekki forsenda þess að ná þeim markmiðum sem greint er frá hér að framan heldur megi vinna að uppbyggingu innviða og jafnvel skipuleggja landvörslu á þeim svæðum þar sem þörf er á slíku á grundvelli gildandi laga um náttúruvernd. Þetta telur sveitarstjórn Múlaþings að sé vænleg leið til að auka traust á hugmyndinni um þjóðgarð á miðhálendinu, en eins og öllum má vera ljóst þá eru þau áform umdeild og deilur og andstaða eru sjaldnast heppilegt veganesti fyrir stórverkefni á borð við þetta sem samkvæmt uppleggi sínu eiga að vera þjóðinni allri til hagsbóta.

Tillagan borin upp og samþykkt með 9 atkv. 1 var á móti (Jó.S.) og 1 sat hjá (HÞ.)

Jódís Skúladóttir lagði fram eftirfarandi bókun:
VG í Múlaþingi hafnar þeirri bókun sem lögð er fram og telur hana bæði byggja á rangfærslum og ekki til þess fallna að koma þeim sjónarmiðum og áhyggjum sem íbúar sveitarfélagsins hafa um Hálendisþjóðgarð né sé hún til þess fallin að skapa sátt um málið. Fagleg yfirferð og beinar tillögur að úrbótum á frumvarpinu hefðu skilað sveitarfélaginu sterkari stöðu og þannig stutt við innviði samfélagsins.

13.Skýrslur heimastjórna

Málsnúmer 202012037Vakta málsnúmer

Formenn heimastjórna fóru yfir helstu mál sem nú eru í vinnslu hjá viðkomandi heimastjórnum.

14.Byggðaráð Múlaþings - 7

Málsnúmer 2012009FVakta málsnúmer

Lagt fram til kynningar.

15.Byggðaráð Múlaþings - 8

Málsnúmer 2101005FVakta málsnúmer

Lagt fram til kynningar.

16.Umhverfis- og framkvæmdaráð Múlaþings - 7

Málsnúmer 2012011FVakta málsnúmer

Lagt fram til kynningar.

17.Umhverfis- og framkvæmdaráð Múlaþings - 8

Málsnúmer 2012016FVakta málsnúmer

Lagt fram til kynningar.

18.Fjölskylduráð Múlaþings - 7

Málsnúmer 2012004FVakta málsnúmer

Lagt fram til kynningar.

19.Fjölskylduráð Múlaþings - 8

Málsnúmer 2012005FVakta málsnúmer

Lagt fram til kynningar.

20.Fjölskylduráð Múlaþings - 9

Málsnúmer 2101004FVakta málsnúmer

Lagt fram til kynningar.

21.Heimastjórn Fljótsdalshéraðs - 3

Málsnúmer 2012014FVakta málsnúmer

Lagt fram til kynningar.

22.Heimastjórn Djúpavogs - 4

Málsnúmer 2012015FVakta málsnúmer

Lagt fram til kynningar.

23.Heimastjórn Djúpavogs - 5

Málsnúmer 2101008FVakta málsnúmer

Lagt fram til kynningar.

24.Heimastjórn Borgarfjarðar - 4

Málsnúmer 2101010FVakta málsnúmer

Lagt fram til kynningar.

25.Heimastjórn Seyðisfjarðar - 3

Málsnúmer 2101009FVakta málsnúmer

Lagt fram til kynningar.

26.Skýrsla sveitarstjóra

Málsnúmer 202010421Vakta málsnúmer

Björn Ingimarsson sveitarstjóri fór yfir helstu verefni síðustu vikna sem hann og starfsmenn sveitarfélagsins hafa verið að vinna að og kynnti sveitarstjórnarfulltrúum.

Fundi slitið - kl. 17:25.

Var efnið á síðunni hjálplegt?