Cittaslow sunnudagurinn var haldinn hátíðlegur um síðustu helgi á Djúpavogi eins og í öðrum Cittaslow bæjum og borgum um allan heim.
Helgin einkenndist af samveru, staðbundinni þekkingarmiðlun og endurnýtingu. Fólk seldi notaða hluti á flóamarkaði íbúasamtakanna í Gömlu kirkjunni, lærði nýja hluti í Löngubúð af öðrum íbúum og í gegnum ratleik um þorpið. Öllu var þessu skolað niður með dýrindis kaffi og kökum af bestu sort frá dömunum í Löngubúð.
Myndirnar tók Greta Mjöll Samúelsdóttir.
