Við þjóðaratkvæðagreiðslu um aðildarviðræður við ESB þann 29. ágúst 2026 verður fyrirkomulag kjörfundar, kjörskrár og atkvæðagreiðslu utan kjörfundar í Múlaþingi sem hér segir:
I. Atkvæðagreiðsla utan kjörfundar
Yfirkjörstjórn vekur athygli kjósenda á eftirfarandi fyrirkomulagi atkvæðagreiðslu utan kjörfundar:
1. Hjá sýslumanni (frá 27. júlí 2026):
Atkvæðagreiðsla utan kjörfundar stendur yfir á skrifstofum sýslumanns á Egilsstöðum, Lyngási 15 og Seyðisfirði, Bjólfsgötu 7
- Opnunartími: Mánudaga-fimmtudaga kl. 09:00-15:00, föstudaga kl. 09:00-14:00.
- Aukinn opnunartími á Egilsstöðum frá og með 17. ágúst: virka daga kl. 09.00-17:00. Á kjördag 10:00-14:00.
2. Á skrifstofum sveitarfélagsins (13.-28. ágúst 2026):
Einnig er hægt að kjósa utan kjörfundar á skrifstofum sveitarfélagsins á Borgarfirði, Fjarðarborg 2. hæð og Djúpavogi, Geysir, Bakka 1:
- Opnunartími: Mánudaga-fimmtudaga kl. 10:00-14:00, föstudaga kl. 10:00-12:00.
Kjósendur eru minntir á að framvísa gildum persónuskilríkjum með mynd.
II. Kjörstaðir og kjördeildir á kjördag 29. ágúst 2026
Kjörstaðir í Múlaþingi verða opnir sem hér segir:
- Borgarfjörður eystri: Grunnskólinn á Borgarfirði. Frá klukkan 09:00 til klukkan 17:00.
- Djúpivogur: Tryggvabúð Djúpavogi. Frá klukkan 10:00 til klukkan 18:00.
- Fljótsdalshérað: Menntaskólinn á Egilsstöðum. Frá klukkan 09:00 til klukkan 22:00.
- Seyðisfjörður: Íþróttamiðstöðin á Seyðisfirði. Frá klukkan 10:00 til klukkan 20:00.
Skipting kjördeilda á Fljótsdalshéraði verður eftirfarandi: Í kjördeild nr. 1 verða íbúar á Egilsstöðum sem búa við götur hverra nöfn byrja á bókstafnum A til og með bókstafnum M. Í kjördeild nr. 2 verða íbúar á Egilsstöðum sem búa við götur hverra nöfn byrja á bókstafnum N til Ö, íbúar í Fellabæ, Eiðum og Hallormsstað, ásamt íbúum í dreifbýli á Fljótsdalshéraði.
Kjörskrá vegna þjóðaratkvæðagreiðslunnar liggur frammi almenningi til sýnis á opnunartíma skrifstofa sveitarfélagsins á Egilsstöðum, Borgarfirði eystri, Djúpavogi og Seyðisfirði til föstudagsins 28. ágúst 2026.
Á kjördag, meðan atkvæðagreiðsla stendur yfir, mun yfirkjörstjórn hafa aðsetur sitt í Menntaskólanum á Egilsstöðum.
Talning atkvæða fyrir kjördæmið í heild fer fram á Akureyri á vegum yfirkjörstjórnar Norðausturkjördæmis.
Yfirkjörstjórn Múlaþings
